نئی دلی:کیمیکل اور کھاد کے مرکزی وزیر، ڈاکٹر منسکھ منڈاویہ نے کہا ہے کہ بھارت دنیا کا پہلا ملک ہے جہاں نینو یوریا کی تجارتی پیداوار شروع کی گئی ہے۔ جناب منڈویہ آ ج یہاں نئی دلی میں پی ایم کسان سمّان مہا سمیلن سے خطاب کررہے تھے۔ جناب منڈاویہ نے کہا کہ کسان سمّان سمیلن میں وزیر اعظم کی موجودگی کسانوں کے لیے ان کے عزم کی عکاسی کرتی ہے۔ انہوں نے یہ بھی کہا کہ وزیر اعظم کی قابل قیادت میں نئے اقدامات کیے جا رہے ہیں۔ ڈاکٹر منڈاویہ نے کہا کہ وزیر اعظم نے ہمیشہ کاشتکاری کے شعبے کے لیے ‘ ٹوٹل اپروچ’ کے ساتھ کام کیا ہے اور حکومت کی طرف سے کسانوں کو مضبوط کرنے کے لیے کئی اقدامات کیے گئے ہیں۔ مرکزی وزیر نے مزید کہا کہ چاہے اس کی زراعت میں نئی ٹکنالوجی کو اپنانا ہو، ‘اسمارٹ ٹیکنالوجی’ کی حوصلہ افزائی ہو یا کسانوں کی پیداوار کے لیے بہتر بازار فراہم کرنا، پی ایم کی قیادت میں بہت کچھ حاصل کیا گیا ہے۔ڈاکٹر منسکھ منڈاویہ نے مزید کہا کہ زراعت میں تحقیق کی بھی حوصلہ افزائی کی گئی ہے اور اس کی وجہ سے ہندوستان دنیا کا پہلا ملک بن گیا جس نے نینو یوریا کی تجارتی پیداوار شروع کی۔ وزیر نے کہا کہ 600 کسان سمردھی کیندر کسانوں کو کئی طریقوں سے مضبوط کریں گے۔وزیر نے یہ بھی بتایا کہ پردان منتری کسان سمرودھی کیندر (PMKSK) ملک میں کسانوں کی ضروریات کو پورا کرے گا اور مٹی، بیجوں اور کھادوں کی جانچ کی سہولیات سمیت زرعی سامان (کھاد، بیج، آلات)فراہم کرے گا۔ یہ کیندر کسانوں میں بیداری پیدا کرنے میں بھی مدد کریں گے۔