نئی دلی:وزیر اعظم جناب نریندر مودی نے آج نئی دہلی میں انڈین ایگریکلچرل ریسرچ انسٹی ٹیوٹ میں پی ایم کسان سمان سمیلن 2022 کا افتتاح کیا۔ وزیر اعظم نے کیمیکل اور فرٹیلائزر کی وزارت کے تحت 600 پردھان منتری کسان سمردھی کیندروں کا بھی افتتاح کیا۔ مزید برآں، وزیر اعظم نے پردھان منتری بھارتیہ جن ارورک پریوجنا – ایک ملک ایک کھاد کا بھی آغاز کیا۔ تقریب کے دوران وزیراعظم نے پردھان منتری کسان سمان ندھی کے تحت براہ راست بینیفٹ ٹرانسفر کے ذریعے 16,000 کروڑ روپے کی 12 ویں قسط کی رقم بھی جاری کی۔ وزیراعظم نے ایگری اسٹارٹ اپ کانکلیو اور نمائش کا بھی افتتاح کیا۔ اس تقریب کے دوران، وزیر اعظم نے کھاد سے متعلق ایک ای میگزین ’انڈین ایج‘ بھی لانچ کیا۔ جناب مودی نے اسٹارٹ اپ نمائش کے تھیم پویلین کا واک تھرو لیا اور نمائش میں موجود مصنوعات کا معائنہ کیا۔اجتماع سے خطاب کرتے ہوئے وزیر اعظم نے جئے جوان، جئے کسان، جئے وگیان اور جئے انوسندھانکی موجودگی کو تسلیم کرتے ہوئے آغاز کیا اور کہا کہ آج ہم یہاں اس منتر کی زندہ شکل دیکھ سکتے ہیں۔ انہوں نے مزید بتایا کہ کسان سمیلن کسانوں کی زندگیوں کو آسان بنانے، ان کی صلاحیتوں کو بڑھانے اور جدید زرعی تکنیک کو فروغ دینے کا ایک ذریعہ ہے۔’’آج 600 سے زیادہ پردان منتری سمردھی کیندر کا افتتاح کیا گیا ہے۔ انہوں نے مزید بتایا کہ یہ مرکز صرف کھاد کی فروخت کے مراکز نہیں ہیں بلکہ ملک کے کسانوں کے ساتھ گہرا رشتہ قائم کرنے کا طریقہ کار ہیں۔ پردھان منتری کسان سمان ندھی کی تازہ قسط کے بارے میں، وزیر اعظم نے کہا کہ یہ رقم کسی بھی درمیانی کو شامل کیے بغیر براہ راست کسانوں کے کھاتوں میں پہنچ جاتی ہے۔ پی ایم کسان سمان ندھی کے طور پر کروڑوں کسان خاندانوں کو 16,000 کروڑ روپے کی ایک اور قسط بھی جاری کی گئی ہے۔جناب مودی نے مزید کہا اور خوشی کا اظہار کیا کہ یہ قسط دیوالی سے عین قبل کسانوں تک پہنچ رہی ہے۔ وزیر اعظم نے یہ بھی کہا کہ آج پردھان منتری بھارتیہ جن اروارک پریوجنا – ون نیشن ون فرٹیلائزر بھی شروع کیا گیا ہے جو کسانوں کو بھارت برانڈ کی سستی معیاری کھاد کو یقینی بنانے کی اسکیم ہے۔
