سری نگر:حکام نے جنوبی ضلع اننت ناگ میں لوگوں اور سیاحوں سے خراب موسمی حالات کے پیش نظر سنتھن پاس اور مرگن پاس سڑکوں پر سفر کرنے سے اجتناب کرنے کی اپیل کی ہے۔تحصیلدار لارنو کی طرف سے جاری ایک ایڈوائزری میں کہا گیا ہے: ’برف باری، بارشوں اور خراب موسمی صورتحال کے پیش نظر لوگوں اور سیاحوں سے تاکید کی جاتی ہے کہ ان علاقوں میں جانے سے گریز کریں جہاں لینڈ سلائنڈنگ اور چٹانیں کھسک آنے کے زیادہ خطرات رہتے ہیں‘۔ایڈوائزری میں کہا گیا کہ خراب موسمی حالات سے سنتھن پاس اور مرگن پاس سڑکوں پر ٹریفک کی نقل و حمل بھی متاثر ہو سکتی ہے لہذا لوگوں سے اپیل کی جاتی ہے کہ وہ ان سڑکوں پر سفر کرنے سے پرہیز کریں۔
قابل ذکر ہے کہ محکمہ موسمیاتط کی پیش گوئی کے عین مطابق وادی کے بالائی علاقوں میں برف باری جبکہ میدانی علاقوں میں بارشیں ہوئیں۔خراب موسمی حالات کی وجہ سے تاریخی مغل روڈ کے علاوہ کئی رابطہ سڑکوں پر ٹریفک کی نقل و حمل معطل ہو کر رہ گئی۔