سڈنی۔ 21؍:مرکزی وزیر روڈ ٹرا نسپورٹ جناب نتن گڈکری نے ٹرانسپورٹ کے بنیادی ڈھانچے کے شعبے سمیت ہندوستان میں سرمایہ کاری کے عظیم مواقع پر زور دیا۔ نیو ساؤتھ ویلز، سڈنی، آسٹریلیا میں مختلف میٹنگوں کے درمیان شری گڈکری نے آسٹریلوی سینیٹر مسٹر ایریس، معاون وزیر برائے تجارت اور مینوفیکچرنگ کے ساتھ ایک نتیجہ خیز بات چیت کی۔جناب گڈکری اور مسٹر آئرس نے ہندوستان میں سڑکوں اور ٹرانسپورٹ کے شعبے میں آسٹریلیائی سرمایہ کاروں کے لیے سرمایہ کاری کے بہترین مواقع کے بارے میں تبادلہ خیال کیا۔ وزیر موصوف نے کہا کہ دونوں ممالک کے درمیان تجارتی تعلقات پرجوش اور دونوں ممالک کے لیے جیت کا باعث ہیں جس میں ٹیکنالوجی اور اختراع مستقبل کی ترقی کے لیے کلیدی محرک ہیں۔جناب گڈکری نے یونیورسٹی آف نیو ساؤتھ ویلز، سڈنی میں ریسرچ سینٹر فار انٹیگریٹڈ ٹرانسپورٹیشن انوویشن کا دورہ کیا۔وزیر نے سڈنی میں آسٹریلیا-انڈیا انفراسٹرکچر فورم کی ٹیم کے ساتھ میٹنگ کی جس کی میزبانی پرائس واٹر ہاؤس کوپرس نے کی۔جناب گڈکری نے ایکسپورٹ فائنانس آسٹریلیا کے سی ای او مسٹر جان ہاپکنز سے ملاقات کی۔ دونوں ممالک کے درمیان تجارت اور دو طرفہ سرمایہ کاری پر ہندوستان۔آسٹریلیا اقتصادی تعاون اور تجارتی معاہدہ کے اثرات سے متعلق بات چیت کی۔ وزیر نے کہا کہ وزیر اعظم جناب نریندر مودی کی دور اندیش قیادت میں مضبوط ہندوستان-آسٹریلیا پارٹنرشپ کو فروغ دینے کے ساتھ آنے والے سالوں میں ہندوستان کی آسٹریلیا کو اشیاء اور خدمات کی برآمد میں اضافہ ہوگا۔جناب گڈکری نے آسٹریلیا کے سب سے بڑے موٹر وے کنٹرول سنٹر کا بھی دورہ کیا، جس کا انتظام ٹرانسربن سڈنی میں سینٹ پیٹرز نیو ساوتھ ویلز میں کرتا ہے۔ یہ سہولت سرنگوں سمیت اہم واقعات اور دیکھ بھال اور نیٹ ورک وسیع ٹریفک کی نگرانی کے تال میل کو ہموار کرتی ہے۔