توانگ۔( ارونا چل پردیش )؍مرکزی وزیر قانون کرن رجیجو نے آج اروناچل پردیش کے توانگ میں یانگتسے علاقے کا دورہ کیا۔ چین اور بھارت کے فوجیوں کے درمیان حال ہی میں ہوئے تصادم کے بعد کسی مرکزی وزیر کا یہ پہلا دورہ ہے۔ توانگ کے یانگتسے کا دورہ کرنے کے بعد جناب کرن رجیجو نے کہا کہ ہندوستانی فوج کے بہادر جوانوں کی مناسب تعیناتی کی وجہ سے علاقہ اب مکمل طور پر محفوظ ہے۔ اس موقع پر انہوں نے کانگریس لیڈر راہل گاندھی کو تنقید کا نشانہ بناتے ہوئے جنہوں نے کہا کہ چین جنگ کی تیاری کر رہا ہے اور حکومت پر خطرے کو کم کرنے کا الزام لگاتے ہوئے وزیر نے کہا، کانگریس لیڈر نہ صرف ہندوستانی فوج کی توہین کر رہے ہیں بلکہ ملک کی شبیہ کو نقصان پہنچا رہے ہیں۔ جناب رجیجو نے کہا، وہ نہ صرف کانگریس پارٹی کے لیے ایک مسئلہ ہیں بلکہ وہ ملک کے لیے ایک بہت بڑی شرمندگی بھی بن چکے ہیں۔ کرن ریجیجو جواروناچل پردیش کے رکن پارلیمنٹ بھی ہیں، نے کہا کہ قوم کو مسلح افواج پر فخر ہے۔ انہوں نے بتایا کہ توانگ کے لوگوں نے بھی راہل گاندھی کے بیان کی مذمت کی ہے۔