سری نگر، 10 جولائی:جنوبی ضلع اننت ناگ کے رانی پورہ میں ہفتے کو ایک مسلح تصادم کے دوران سکیورٹی فورسز نےتین جنگجووں کو ہلاک کیا ہے۔جموں و کشمیر پولیس کے ایک ترجمان نے بتایا کہ ضلع اننت ناگ کے رانی پورہ میں ہفتے کو ہونے والے ایک مسلح تصادم کے دورانتینجنگجووں کو ہلاک کیا گیا ہے۔ان کا مزید کہنا تھا: ‘مہلوک جنگجو کی شناخت معلوم کی جا رہی ہے نیز علاقے میں آپریشن جاری ہے۔سرکاری ذرائع نے بتایا کہ اننت ناگ کے رانی پورہ علاقے میں جنگجوئوں کی موجودگی سے متعلق خفیہ اطلاع ملنے پر جموں و کشمیر پولیس، فوج کی 19 راشٹریہ رائفلز اور سی آر پی ایف نے ہفتے کو دوپہر کے وقت مذکورہ علاقے کو محاصرے میں لے کر تلاشی آپریشن شروع کیا۔
انہوں نے بتایا کہ ایک مشتبہ جگہ کی جانب پیش قدمی کے دوران وہاں موجود جنگجووں نے سکیورٹی فورسز پر فائرنگ کی جس کے بعد طرفین کے درمیان باضابطہ طور تصادم شروع ہوا۔سرکاری ذرائع نے بتایا کہ محاصرے میں پھنسنے والے جنگجوئوں کو خودسپردگی اختیار کرنے کی پیشکش کی گئی جو انہوں نے مسترد کی۔انہوں نے مزید بتایا کہ آخری اطلاعات ملنے تک مسلح تصادم میںتینجنگجو مارے جا چکے تھے جن کی لاشیں برآمد کی گئی ہیں۔ (یو این آئی)
