پانپور، 16 فروری 2026 – ڈسٹرکٹ انسٹی ٹیوٹ آف ایجوکیشن اینڈ ٹریننگ (DIET) پلوامہ کی جانب سے آج گورنمنٹ بوائز ہائر سکنڈری اسکول (BHSS) پانپور میں انسپائر ایوارڈز مانک اسکیم (2024-25) کے تحت ضلعی سطح کی نمائش اور پروجیکٹ مقابلے (DLEPC) کا شاندار انعقاد کیا گیا جس میں خطے کے نوجوان ذہنوں کی سائنسی ایجادات کو پیش کیا گیا۔ اس تقریب میں ضلع بھر کے سرکاری اور نجی اسکولوں کے کُل 44 اسکولوں نے حصہ لیا، ۔نمائش میں ہر ایک اختراعی طالب علم نے اپنے ماڈل کی نمائش ۔ اس نمائش میں اسٹیٹ کونسل آف ایجوکیشنل ریسرچ اینڈ ٹریننگ (SCERT) اور نیشنل انوویشن فاؤنڈیشن (NIF) کی ماہر ٹیموں کے ساتھ ساتھ ضلع سرینگر کے چیف ایجوکیشن آفیسر غلام محی الدین بٹ جو DIET پانپور کے پرنسپل کے طور پر بھی کام کر رہے ہیں کے ساتھ ساتھ ڈائٹ پانپور میں تعینات ایچ او ڈیز اور محکمہ تعلیم کے اعلیٰ حکام نے بھی شرکت کی ۔ تقریب کے دوران ایک کشمیری پنڈت طالبہ کی خصوصی عزت افزائی گئی۔ جنہوں نے ملک میں انسپائر مانک ایوارڈ حاصل کرنے والے ملک بھر کے سر فہرست 30 طلباء میں اپنی جگہ بنائی۔
دن بھر افسران اور جیوری ممبران نے 44 طلباء اور اساتذہ کی ٹیموں کے ساتھ بات چیت کی تاکہ پیش کردہ پروٹوٹائپ ماڈلز کی اصلیت اور افادیت کا جائزہ لیا جا سکے، جس کا مقصد اسکولی بچوں میں تخلیقی سوچ کے کلچر کو فروغ دینا ہے۔ واضح رہے کہ اس تقریب میں 44 سکولوں میں سے چھ سکولوں کے بچے ریاستی سطح کے مقابلے کے لیے نامزد ہوئے ہیں
ڈسٹرکٹ نوڈل آفیسر کی نگرانی میں منعقدہ یہ تقریب ان نچلی سطح کی ایجادات کو ریاستی اور قومی سطح تک لے جانے کے عزم کے ساتھ اختتام پذیر ہوئی، جس سے ضلع کے نوجوانوں میں سائنسی رجحان کو مزید تقویت ملی ہے۔
انسپائر ایوارڈز مانک 24-2025 کے تحت بی ایچ ایس ایس پانپور میں ضلعی سطح کی نمائش اور پروجیکٹ مقابلے (DLEPC) کا انعقاد
44 میں سے 6 اسکولوں کے طلباء کو یوٹی سطح کے مقابلے کے لئے نامزد کیا گیا ۔
متعلقہ خبریں۔
