نگران نیوز
سری نگر// بڈگام پولیس نے ایس ایس پی بڈگام کے نام پر فرضی واٹس ایپ اکائونٹ چلانے کے الزام میں ایک شخص کے خلاف ایف آئی آر درج کی ہے۔پولیس سٹیشن بڈگام کو قابل اعتماد اطلاع ملی کہ پالر بڈگام کاسمیر علی بھٹ ایس ایس پی بڈگام کے نام سے چلنے والے جعلی وٹس ایپ اکائونٹ کے ساتھ چیٹ کے سکرین شاٹس عام لوگوں میں شیئر کر رہا ہے اور لوگوں کو متاثر کرنے کے لیے اپنے قریبی معاون کے طور پر ظاہر کر رہا ہے۔پولیس کو تصدیق کے بعد پتہ چلا کہ مذکورہ شخص متعدد ایف آئی آرز میں ملوث ہے۔ فوری کارروائی کرتے ہوئے، پولیس سٹیشن بڈگام نے بی این ایس کی دفعہ 319 اور انفارمیشن ٹیکنالوجی ایکٹ کی دفعہ 66-سی کے تحت مقدمہ درج کیا اور ملزم کو بھی گرفتار کر لیا ۔
