نگران نیوز ڈیسک
سرینگر// لیفٹیننٹ گورنر منوج سنہا نے پہل گام حملہ کی پہلی برسی کے موقع پر اپنے موقف کا اعادہ کرتے ہوئے کہا کہ حکومت نہ ہی حادثہ کو بھولے گی اور نہ ہی معاف کرے گی۔نگران نیوز ڈیسک کے مطابق لیفٹیننٹ گورنر نے گزشتہ برس 22اپریل کو پہل گام کی بائی سرن وادی میں مارے گئے 26لوگوں جن میں سیاحوں کی ایک بڑی تعداد شامل تھی، کو شاندار الفاظ میں خراج عقیدت پیش کیا۔ سماجی رابطہ گاہ ایکس پر ایک پوسٹ میں لیفٹیننٹ گورنر نے مرنیوالے سیاحوں کو خراج عقیدت پیش کیا۔ ’’گزشتہ سال آج کے ہی دن پہل گام کی بائی سرن وادی میں ایک المناک دہشت گردانہ حملے میں مارے گئے لوگوں کو خراج عقیدت پیش کرتا ہوں۔ اُن کی یادیں ہمارے دلوں میں ہمیشہ زندہ رہیں گی۔ میری نیک تمنائیں اور دعائیں اُن کے اہل خانہ کیساتھ ہیں‘‘۔ لیفٹیننٹ گورنر کا مزید کہنا تھا کہ : ’’ہم نہ ہی حادثہ کو بھولیں گے اور نہ ہی معاف کریں گے۔ یہ ہمارا پختہ وعدہ ہے۔ بھارت دہشت گردی کیخلاف متحد ہے۔ ہم وعدہ بند ہے کہ جموں کشمیر کی سرزمین سے دہشت گردی کے بیچ کو جڑ سے اُکھاڑ پھینکیں گے‘‘۔
