نگران نیوز
سری نگر//جموں و کشمیر میں موبائل فون استعمال کرنے والوں کو ہفتے کے روز اپنے سیل فون پر ایک زوردار بیپ کے ساتھ ہنگامی الرٹ موصول ہوا ۔یہ ہندوستان نے اپنے ملک گیر ایمرجنسی الرٹ سسٹم کا تجربہ کیا۔ حکام نے بتایا کہ یونین کے زیر انتظام علاقے میں موبائل فون استعمال کرنے والے ہفتہ کی صبح حیران رہ گئے کیونکہ ان کے فون زور سے بجنے لگے اور انہیں ایک فلیش میسج موصول ہوا۔ الرٹ، صبح 11.42 بجے بھیجا گیا جو ایمرجنسی الرٹ سسٹم کی جانچ کا ایک حصہ تھا۔حکام نے کہا، "یہ ایمرجنسی الرٹ سسٹم کی جانچ کا حصہ ہے، تاکہ آفات کے دوران درست معلومات بروقت حاصل کی جا سکیں۔”انہوں نے کہا کہ یہ پیغام بار بار ظاہر ہو سکتا ہے اور لوگوں کو کچھ نہ کرنے کو کہا۔لیش پیغام میں لکھا گیا”ہندوستان نے اپنے شہریوں کے لیے آفات سے متعلق فوری الرٹ سروس کے لیے، مقامی ٹیکنالوجی کا استعمال کرتے ہوئے سیل براڈکاسٹ کا آغاز کیا، اس پیغام کے موصول ہونے پر عوام کو کسی کارروائی کی ضرورت نہیں ہے۔ یہ ایک آزمائشی پیغام ہے” ۔ موبائل فون صارفین نے اس وقت حیرت کا اظہار کیا جب ان کے فون زوردار بیپ کیساتھ بجنے لگے۔کئی لوگوں نے کہا، "جب میسج آیا تو وہ حیران رہ گئے، ہمیں اس کا علم نہیں تھا، جب فون نے شور مچایا تو وہ چونک گئے۔ پھر میسج پڑھی اور سمجھا،” ۔انہوں نے کہا کہ اگر کوئی واقعہ پیش آیا تو لوگوں کو آگاہ کرنا ایک اچھا اقدام ہے۔ حکومت نے پہلے ہی متنبہ کیا تھا کہ وہ ملک بھر میں موبائل پر مبنی ڈیزاسٹر الرٹ سسٹم کے ٹرائلز کریں گے، شہریوں پر زور دیا کہ وہ ٹیسٹ پیغامات کو نظر انداز کریں۔الرٹ سسٹم کو ملک بھر کے تمام ٹیلی کام آپریٹرز کے نیٹ ورک پر بھیجا گیا ۔یہ نظام کامن الرٹنگ پروٹوکول (CAP) پر مبنی ہے جیسا کہ اقوام متحدہ کی باڈی انٹرنیشنل ٹیلی کمیونیکیشن یونین نے تجویز کیا ہے۔ یہ فی الحال ہندوستان کی تمام 36 ریاستوں اور مرکز کے زیر انتظام علاقوں میں کام کر رہا ہے اور جیو ٹارگٹڈ علاقوں میں موبائل صارفین کو ایس ایم ایس کے ذریعے آفات اور ایمرجنسی سے متعلق الرٹ فراہم کرتا ہے۔
