نگران نیوز
بارہمولہ//لیفٹیننٹ گورنر منوج سنہا نے منگل کو جاری انسداد منشیات مہم کے ایک حصے کے طور پر دو اقدامات کا آغاز کیا اور کہا کہ نشے کے شکار افراد کے ساتھ عزت کے ساتھ برتا ئوکیا جانا چاہیے اورانہیں ہمدردی کے ذریعے معاشرے کے مرکزی دھارے سے جوڑنا چاہیے۔یہ ریمارکس ایسے وقت آئے جب سنہا نے 5 اپریل کو شروع کیے گئے 100 روزہ نشا مکت جموں کشمیرابھیان کے تحت شہریوں کے ساتھ بارہمولہ میں ایک مارچ کی قیادت کی ۔دو نئے اقدامات کے بارے میں انہوں نے کہا کہ کمیونٹی امیونائزیشن پروگرام اور فیملی فورٹریس انیشیٹو ، اگلے 69 دنوں تک مہم کے تحت دو اختراعی ستونوں کے طور پر کام کریں گے۔سنہا نے کہا کہ جس طرح برادریوں کو بیکٹیریا یا وائرس کے خلاف ویکسینیشن سکھائی گئی ہے، انتظامیہ مذہبی رہنمائوں اور سماجی گروپوں کے ساتھ مل کر ہر ضلع کے پانچ سے 10 ہائی رسک ہاٹ اسپاٹ علاقوں میں منشیات کے خلاف کمیونٹی کی حفاظتی ٹیکوں کو یقینی بنائے گی۔انہوں نے کہا”میں سکولوں، مساجد، مندروں، گوردواروں، اور این جی اوز سے گزارش کرتا ہوں کہ وہ بیداری کے ذریعے اس اقدام کو تقویت دینے کے لیے ہفتہ وار ایک گھنٹہ وقف کریں، یہ حقیقی نتائج پیش کرے گا، جو پہلے وارننگ سسٹم کی نگرانی کرنے والے ہاٹ سپاٹ کی طرح کام کرے گا اور انہیں مکمل طور پر منشیات سے پاک علاقوں میں تبدیل کرے گا،” ۔ ایل جی نے کہا کہ فیملی فورٹریس انیشی ایٹو منشیات کی لت کے خلاف حتمی ڈھال کے لیے مضبوط خاندان اور کمیونٹی بانڈز پر انحصار کرے گا۔”اگلے 69 دنوں کے دوران، جموں و کشمیر کے ہر سکول، کالج اور عبادت گاہوں کو منشیات پر ہفتہ وار مکالمے کی میزبانی کرنی چاہیے۔” سنہا نے روشنی ڈالی کہ پچھلے 31 دنوں میں، مرکز کے زیر انتظام علاقے میں 2,35,000 سے زیادہ بیداری اور آئوٹ ریچ پروگرام منعقد کیے گئے ہیں۔ انہوں نے کہا کہ او پی ڈی کے 44,000 سے زائد مریضوں کا علاج کیا گیا ہے، تقریباً 700 منشیات کے سمگلرز اور معاونین کو گرفتار کیا گیا ہے اور منشیات کی سپلائی چین کے خلاف سخت کارروائی کی گئی ہے۔ "بڑے سمگلروں کی طرف سے منشیات کی رقم سے بنائی گئی کروڑوں کی جائیدادوں کو ضبط کیا گیا ہے۔ جموں اور کشمیر کے تمام ڈویژنوں میں، 300 ڈرائیونگ لائسنس اور منشیات کے سمگلروں سے منسلک 400 سے زیادہ گاڑیوں کے رجسٹریشن کو منسوخ کرنے کی سفارش کی گئی ہے۔انہوں نے کہا کہ "انفورسمنٹ ایجنسیوں نے بڑے پیمانے پر منشیات کی سمگلنگ کیخلاف کارروائی کو یقینی بنایا ہے۔ ہم نے 3,300 سے زیادہ ڈرگ سٹورز کا معائنہ کیا ، اور 150 لائسنس کو اصولوں کی خلاف ورزی پر معطل کر دیا گیا ہے۔”سنہا نے مزید کہا کہ تقریبا ً3000 سی سی ٹی وی کیمرے اب مرکز کے زیر انتظام علاقے میں دوائیوں کی دکانوں پر لگائے گئے ہیں۔انہوں نے کہا کہ میں لوگوں کو یقین دلاتا ہوں کہ ہم منشیات کے سمگلروں کے ایک ایک روپیہ، ہر اثاثے اور شیل کمپنی کا پیچھا کریں گے، اور ان لوگوں کے لیے سخت ترین سزا کو یقینی بنائیں گے جو ہمارے نوجوانوں کے مستقبل کو تباہ کر رہے ہیں،” ۔انہوں نے کہا کہ عوامی حمایت سے چلنے والی، یہ تحریک جموں و کشمیر میں "تاریخی ریکارڈ” قائم کر رہی ہے، اور ماضی کی کسی سماجی مہم میں اتنی بڑی تعداد میں شرکت نہیں دیکھی گئی۔
