نگران نیوز
سری نگر// نوشہرہ راجوری کے جھنگڑ سب سیکٹر میں لائن آف کنٹرول کے قریب بارودی سرنگ دھماکے میں فوج کا ایک جونیئر کمیشنڈ آفیسر (جے سی او)شدید زخمی ہو گیا۔ 14 آسام رجمنٹ کے جونیئر کمیشنڈ آفیسر ہتیشور گوگوئی اپنے دیگر ساتھیوں کے ہمراہ اگلی چوکی کے نزدیک معمول کی پٹرولنگ پر تھے تو اسی دوران اچان ان کا پائوں زیر زمین بچھائی گئی بارودی سرنگ پر پڑ ا جس کے نتیجے میں زور دار دھماکہ ہوا اور وہ شدید زخمی ہوگیا۔ دھماکے کے فورا ًبعد زخمی جے سی او کو ابتدائی طبی امداد فراہم کی گئی اور بعد ازاں ادہم پور ریفر کیا گیا۔واضح رہے کہ گزشتہ ایک ماہ کے دوران نوشہرہ اور ملحقہ سرحدی علاقوں میں بارودی سرنگ دھماکوں کے واقعات میں اضافہ دیکھنے کو ملا ہے۔ حالیہ ایک ماہ کے دوران مختلف دھماکوں میں فوج کے کم از کم آٹھ جوان زخمی ہو چکے ہیں۔
