وزیر دفاع راج ناتھ سنگھ سرینگر پہنچے،ایل جی کا ائر پورٹ پر استقبال

نگران نیوز
سری نگر // وزیر دفاع راج ناتھ سنگھ کرگل وجے دیوس کی 27ویں برسی کی تقریبات میں شرکت کے لیے ہفتہ کو دو روزہ دورے پر جموں و کشمیر اور لداخ پہنچ گئے۔ وہ ہفتہ کی صبح سرینگر بین الاقوامی ہوائی اڈے پر پہنچے، جہاں لیفٹیننٹ گورنر منوج سنہا نے ان کا خیرمقدم کیا۔ لیفٹیننٹ گورنر نے بعد ازاں سوشل میڈیا پلیٹ فارم ایکس پر کہا کہ ان کی آمد کا خیرمقدم کیا گیا۔ راج ناتھ سنگھ کو بذرعہ ہیلی کاپٹر دراس جانا تھا لیکن خراب موسم کی وجہ سے وہ سڑک کے راستے دراس روانہ ہوئے۔جہاں وہ 26 جولائی کوکرگل وار میموریل میں منعقد ہونے والی مرکزی تقریب میں شرکت کرتے ہوئے 1999 کی کرگل جنگ کے مہلوکین کو خراجِ عقیدت پیش کریں گے۔ادھرایل جی منوج سنہا نے کرگل جنگ کے بہادر دلوں کو خراج عقیدت پیش کیا۔لیفٹیننٹ گورنر نے کہا: "کرگل وجے دیوس کے موقع پر، میں اپنے شہدا کو سلام پیش کرتا ہوں جنہوں نے آپریشن وجے کے دوران ماں بھارتی کی خودمختاری اور عزت کے تحفظ کے لیے عظیم قربانیاں دیں۔ ہماری مسلح افواج کی غیر معمولی ہمت ہمیشہ آنے والی نسلوں کو متاثر کرتی رہے گی‘‘۔انہوں نے کہا’’میں اپنے شہید ہونے والے ہیروز کے خاندانوں کے لیے بھی گہرے احترام میں جھکتا ہوں۔ ان کی بے لوث لگن ہمارے حتمی قومی فخر کی لازوال علامت بنی ہوئی ہے۔”