نگران نیوز
سری نگر//قومی سلامتی مشیر اجیت ڈوول نے کہا ہے کہ بھارت کی فراخ دلی اور رواداری کو اس کی کمزوری نہیں سمجھنا چاہیے۔ انہوں نے واضح کیا کہ بھارت ضرورت پڑنے پر خطرہ مول لینے اور نتائج کی پروا کیے بغیر سخت جواب دینے کی صلاحیت رکھتا ہے۔ اجیت ڈوول نے یہ بات ڈسکوری کی آئندہ دو حصوں پر مشتمل دستاویزی سیریز ’’ڈی کلاسیفائیڈ: آپریشن سندور‘‘ میں کہی، جس میں انہوں نے آپریشن سندور کے دوران ہونے والے اہم فیصلوں اور بھارت کی فوجی حکمت عملی کے بارے میں گفتگو کی۔انہوں نے کہا کہ آپریشن کا بنیادی مقصد دشمن کے ان کیمپوں کو تباہ کرنا تھا جو بالخصوص 22 اپریل 2025 کے پہلگام دہشت گرد حملے کے ذمہ دار تھے۔اجیت ڈوول کے مطابق، ’’دنیا کے لیے بھارت کا پیغام بالکل واضح ہے کہ اس کی فراخ دلی اور رواداری کو کمزوری نہ سمجھا جائے۔ بھارت خطرہ مول لے سکتا ہے اور نتائج کی پروا کیے بغیر سخت ضرب لگانے کی صلاحیت رکھتا ہے۔‘‘ڈسکوری کے مطابق، اس ڈاکیومنٹری میں بھارت کی فوجی اور قومی سلامتی قیادت آپریشن سندور سے متعلق فیصلوں اور واقعات کی تفصیلات پیش کرے گی، جبکہ اس کارروائی کی نگرانی کرنے والے اعلیٰ حکام اپنے براہ راست تجربات بھی بیان کریں گے۔
