نگران نیوز
سری نگر/ /محکمہ موسمیات کے مطابق جموں و کشمیر میں آئندہ چند روز کے دوران موسم مجموعی طور پر خشک رہنے کا امکان ہے، تاہم بعض مقامات پر مختصر وقفے کے لیے بارش اور گرج چمک ہوسکتی ہے۔محکمہ موسمیات سری نگر کے ایک ترجمان نے بتایا کہ 3 سے 12 ستمبر تک جموں و کشمیر میں موسم عمومی طور پر خشک رہنے کی توقع ہے، البتہ اس دوران چند مقامات پر مختصر بارش ہوسکتی ہے۔ترجمان کے مطابق 3 ستمبر کو موسم عمومی طور پر خشک رہنے کا امکان ہے، تاہم بعض مقامات پر مختصر بارش ہوسکتی ہے۔4 ستمبر کو موسم میں تبدیلی متوقع ہے اور جموں و کشمیر کے کئی علاقوں میں ہلکی سے درمیانی درجے کی بارش کے ساتھ گرج چمک ہوسکتی ہے۔ بعض مقامات پر تیز بارش کے بھی امکانات ہیں۔محکمہ موسمیات کے مطابق 5 سے 12 ستمبر تک موسم ایک بار پھر عمومی طور پر خشک رہنے کی توقع ہے، تاہم اس دوران الگ تھلگ یا چند مقامات پر مختصر بارش اور گرج چمک کے امکانات موجود رہیں گے۔
