نگران نیوز
اننت ناگ//منشیات کی لعنت کے خلاف اپنی جاری مہم کے سلسلے میں، اننت ناگ پولیس نے ضلع بھر میں مختلف کارروائیوں کے دوران 6 افراد کو گرفتار کیا اور ان کے قبضے سے ممنوعہ اشیاء برآمد کیں۔جے کے این ایس کوملی تفصیلات کے مطابق پولیس تھانہ سری گفوارہ کی ایک ٹیم نے سرہامہ کراسنگ پر ناکا چیکنگ کے دوران نوشہرہ کے رہائشی خورشید احمد نینگروولد غلام احمد نینگرو کو حراست میں لیا۔ تلاشی کے دوران ان کے قبضے سے70 گرام چرس برآمد ہوئی۔ ایک اور کارروائی میں، تھانہ بجبہاڑہ نے پازل پورہ کے مقام پر گوری کے رہائشی عبید مجید شاہ ولد عبدالمجید شاہ کو گرفتار کیا اور ان کے قبضے سے 15 گرام چرس برآمد کی۔ اسی طرح، ووپزان کے قریب پولیس نے واگھامہ کے رہائشی محمد شمیم داس ولد اسد اللہ داس کو گرفتار کیا اور چیکنگ کے دوران ان کے قبضے سے 15 گرام چرس برآمد کی۔مزید برآں، تھانہ بجبہاڑہ نے تلخان کے قریب اکڈ مٹن کے رہائشی منیب احمد گنائیولد منظور احمد) کو گرفتار کیا، جن کے قبضے سے 14 گرام چرس برآمد ہوئی۔دریں اثنا، پولیس پوسٹ جی بی ایس نے چی ٹربل پل پر قائم چیک پوائنٹ پر2 افرادزبیر احمد پلا ولد محمد عباس پلا ساکنہ رشی کالونی میر ڈانتر اننت ناگ) اور دانش مشتاق ولد مشتاق احمد ملک ساکنہ نوبوگ لارنو)کو روکا۔ کارروائی کے دوران ان کے قبضے سے 3.37 گرام ہیروئن، 11,800 روپے نقد رقم اور وزن کرنے والی مشین برآمد کی گئی۔
