پی آئی بی
نئی دہلی //مرکزی کابینہ نے منگل کے روز حکومت کے سربراہ کی حیثیت سے 25 سال کی مسلسل قیادت مکمل کرنے پر وزیر اعظم نریندر مودی کو مبارکباد پیش کرتے ہوئے ایک قرارداد منظور کی۔ یہ محض روایتی خراج تحسین سے کہیں بڑھ کر وزیر اعظم مودی کے اس غیر معمولی سفر کا جشن ہے جو ملک سب سے پہلے اور شہری سب سے پہلے کے اصول سے رہنمائی حاصل کرتا رہا ہے۔ گجرات میں تین زبردست عوامی مینڈیٹ اور لوک سبھا کے مسلسل تین انتخابات میں عوام کی حمایت اس دیرپا اعتماد کی عکاسی کرتی ہے جو عوام نے وزیر اعظم نریندر مودی پر ظاہر کیا ہے۔جموں و کشمیرقرار داد میں کہا گیا کہ2016 کی سرجیکل اسٹرائیکس،2019 کی بالاکوٹ فضائی کارروائی اور 2025 کا آپریشن سندور وزیر اعظم مودی کی قیادت میں قائم کیے گئے قومی سلامتی کے واضح اصولوں کی عکاسی کرتے ہیں۔ قرارداد میں ان اقدامات کے ساتھ دفعہ 370 کی منسوخی، ون رینک ون پنشن اور چیف آف ڈیفنس اسٹاف کے عہدے کے قیام کا بھی ذکر کیا گیا ہے۔ مائو نواز دہشت گردی کے خلاف کارروائی اور شمال مشرق میں امن کی کوششیں ایسی قیادت کو اجاگر کرتی ہیں جو قومی عزم کو ترقی، استحکام اور عوامی اعتماد کے ساتھ جوڑتی ہے۔
اہم کامیابیاں
قرارداد میں کہا گیا کہ وزیر اعظم مودی کو 2010 میں اقوام متحدہ کا عوامی خدمت ایوارڈ ملا۔ تقریبا ً60 کروڑ جن دھن کھاتے، 4 کروڑ سے زیادہ مکانات اور 25 کروڑ افراد کا غربت سے باہر آنا ، تقریباً 3.5 کروڑ خواتین لکھ پتی دیدی بنیں، جبکہ ناری شکتی وندن ادھینیم میں خواتین کے لیے ریزرویشن کی فراہمی کی گئی۔ قرارداد میں سیاسی خطرات کے باوجود اصلاحات کو آگے بڑھانے کے وزیر اعظم مودی کے عزم پر خصوصی زور دیا گیا ہے۔ جی ایس ٹی، فلاحی خدمات کی فراہمی میں اصلاحات اور نوآبادیاتی قوانین کی جگہ نئے قوانین لانا دیرینہ مسائل سے نمٹنے کے ان کے عزم کا مظہر ہے۔ صفائی، ڈجیٹل ادائیگیوں اور مقامی مصنوعات کے استعمال سے متعلق ان کی اپیلوں نے شہریوں کو تبدیلی کے عمل میں شامل کیا۔ اصلاحات ان کی قیادت کا ایک مستقل عزم بن کر ابھرتی ہیں، جسے پختہ یقین، عوامی شراکت داری اور قومی مقصد نے مزید مضبوط کیا ہے۔قرارداد میں عالمی سطح پر پیدا ہونے والی ہلچل کے دوران ہندوستان کو سمت دینے کی وزیر اعظم مودی کی صلاحیت کو اجاگر کیا گیا ہے۔ کووڈ کے دوران انہوں نے ملک کو متحد کیا، دیسی ویکسین کی تیاری کی حمایت کی اور تیزی سے ٹیکہ کاری کو ممکن بنایا۔ مغربی ایشیا کے بحران کے دوران بروقت فیصلوں اور توانائی کے تحفظ کے اقدامات نے ہندوستان کو بحران کے اثرات سے نمٹنے میں مدد دی۔قرارداد میں ہندوستان کے بڑھتے ہوئے عالمی قد و قامت کو وزیر اعظم مودی کی مختلف حلقوں کے درمیان تعاون پیداپیدا کرنے کی صلاحیت سے جوڑا گیا ہے۔ ج 36 ممالک کی جانب سے دئیے گئے اعزازات وزیر اعظم مودی کے ساتھ ساتھ ہندوستان کے بڑھتے ہوئے اثر و رسوخ اور مشترکہ حل میں اس کے بڑھتے ہوئے تعاون کے لیے عالمی سطح پر پائی جانے والی پذیرائی کو اجاگر کرتے ہیں۔
