سرینگر:گزشتہ کچھ دنوں سے جاری شدید گرمی کی لہر کے چلتے بدھ کو ایک مرتبہ پھر شدید گرمی سے لوگوں کو کوئی راحت نہیںملی اوردرجہ حرارت 32ڈگری عبور کر گیا ۔ اس دوران محکمہ موسمیات نے موسمی کلینڈ جار ی کرتے ہوئے 14اور 15اگست کو تک شدید بارشوں کی پیشگوئی کی ہے۔سی این آئی کے مطابق شدید گرمی کی وجہ سے اہل وادی کیلئے رات دن تکلیف دہ ثابت ہو رہے ہیں وہیں گرمی میں روز بروز اضافہ ہو رہا ہے جس کی ایک کڑی کے تحت سرینگر میں بدھ کو پھر سے شدید گرمی ریکارڈ کی گئی ۔بدھ کو دن بھر شدید گرمی کی لہر جاری رہی جس دوران درجہ حرارت 32.2ڈگری سیلشس ریکارڈ کیا گیا ۔ محکمہ موسمیات کے مطابق سرینگر میں بدھ کو دن کا درجہ حرارت 32.2ڈگری ریکارڈ کیا گیاجبکہ اس کے ساتھ ساتھ قاضی گنڈ میں دن کا درجہ حرارت 30ڈگری ریکار ڈ کیا گیا ۔ جبکہ اس کے علاوہ کپواڑہ میں بھی دن کا درجہ حرارت32.1درج کیا گیا۔ محکمہ موسمیات کے مطابق جموں میں بھی گرمی کی شدید لہر جاری ہیْ ۔ ادھر محکمہ کے مطابق وادی کشمیر میں آئندہ چند دونوں میں موسم میں تبدیلی آنے کے امکانات ظاہر کرتے ہوئے بارشوں کی پیشگوئی کی ہے ۔ اسی دوران شدت گرمی کی تپیش سے بچنے کیلئے نوجوانوں کی طرف سے ندی نالوں اور دیائوں کا رخ کیا جاتا ہے اور گرمی سے راحت پانے کیلئے وہ تیراکی کا بھی مزہ لیں رہے ہیں ۔ محکمہ موسمیات نے جموں و کشمیر میں 14اور 15اگست کو بارشوں کی پیشگوئی کی ہے ۔سرینگر میں قائم محکمہ موسمیات کی طرف سے جاری ایک ایڈوائزری میں کہا گیا ہے۔متعلقہ محکمے کے ایک ترجمان کے مطابق جموں و کشمیر میں 14 اور15 اگست کو بارشیں ہونے کا امکان ہے۔انہوں نے کہا کہ جموں و کشمیر میں 14 اگست یعنی ہفتے کے روز کہیں کہیں ہلکی درجے کی بارش ہوسکتی ہے جبکہ 15 اگست یعنی اتوار کو درمیانی درجے کی بارشیں متوقع ہے۔
