نئی دہلی:صدر رام ناتھ کووند نے ٹوکیو پیرالمپکس میں مختلف مقابلوں میں تمغہ جیتنے والوں کو مبارکباد دی ہے۔پیر کو مسٹر کووند نے سونے کے تمغہ جیتنے والے اوانی لیکھرا ، یوگیش کتھونیا ، دیویندر جھاجریا اور سندر سنگھ گرجر کو ٹویٹ کرکے مبارکباد دی ہے۔انہوں نے بتایا کہ ہندوستان کی ایک اور بیٹی نے ہمیں فخر کا موقع فراہم کیا ہے۔ اوانی لیکھرا نے پیرالمپکس میں طلائی تمغہ جیتنے والی پہلی خاتون بن کر تاریخ رقم کی ہے۔ ہندوستان اس کی تاریخی کارکردگی سے خوش ہے۔ آپ کی ناقابل فراموش کارکردگی کی وجہ سے ہمارا ترنگا پوڈیم پر لہرایا۔ "ایک اور ٹویٹ میں مسٹر کووند نے کہاکہ "یہ دیکھ کر بہت خوشی ہوئی کہ ہمارے پیرالمپک کھلاڑی ملک کو فخر کرنے کا موقع فراہم کر رہے ہیں۔”انہوں نے بتایا کہ ’’یوگیش کتھونیا نے ڈسکس تھرو میں چاندی کا تمغہ جیتا ہے ، جبکہ دیویندر جھاجھریا اور سندر سنگھ گرجر نے بالترتیب چاندی اور کانسے کے تمغے جیتے ہیں۔ ان تمام لوگوں کو مبارک باد۔ ہر ہندوستانی آپ کی کامیابی کا جشن منا رہا ہے۔‘‘ (یو این آئی
