سرینگر:چیف سیکرٹری ڈاکٹر ارون کمار مہتا نے آج مشن یوتھ کے تحت پیش رفت کا جائیزہ لینے کیلئے منعقدہ ایک میٹنگ کی صدارت کی جو کہ جموں و کشمیر میں بے روز گار 50 ہزار نوجوانوں کو فائدہ مند روز گار کے ذریعے بااختیار بنانے کا ایک مہتواکانکشی پروگرام ہے۔ کمشنر سیکرٹری محکمہ محنت و روز گار اور چیف ایگزیکٹو آفیسر مشن یوتھ نے میٹنگ میں شرکت کی ۔ میٹنگ میں بتایا گیا کہ ’ممکن ‘ سکیم کے تحت اب تک 503 مستحقین کو گاڑیاں فراہم کی جا چکی ہیں ، مزید 1100 مستحقین کو اگلے 10 دنوں میں گاڑیاں فراہم کی جائیں گی ۔ اسی طرح تیجسوانی اسکیم کے تحت مشن یوتھ 2000 نوجوان خواتین کو معیشت کے مختلف شعبوں میں خود روزگار کے منسوبوں کو شروع کرنے کیلئے مالی مدد فراہم کرے گا ۔ میٹنگ میں مزید بتایا گیا کہ جموں و کشمیر میں 4524 یوتھ کلب قائم کئے گئے ہیں جن میں 60 ہزار کے قریب نوجوانوں نے رجسٹریشن کروائی ہے ۔ یہ کلب کھیلوں کی سرگرمیوں ، مشاورت کے سیشنوں اور فائدہ مند روز گار کے ساتھ رابطوں کے ذریعے نوجوانوں کی توانائیوں کو بڑھانے میں مدد کریں گے ۔ مشن یوتھ نے مختلف ہنر مندی کے اقدامات کے تحت تربیتی نصاب کو بھی حتمی شکل دے دی ہے اور اگلے ہفتے سے امیدواروں کی تربیت شروع کر دے گا ۔ مشن کا مقصد 8044 امیدواروں کو تربیت دینا ہے جس کا مقصد ان کی مہارت اور روزگار کو مارکیٹ کی ضروریات کے مطابق نرم مہارتوں پر خصوصی توجہ دینا ہے ۔ چیف سیکرٹری نے سی ای او مشن یوتھ کو ہدایت دی کہ وہ یوٹی کے نوجوانوں کو ملک کے مختلف مقامات پر نمائش کے دوروں پر لے جائیں تا کہ وہ ملک کی ہم آہنگی کی روایات کو سراہیں اور ان کی مدد کریں ۔ انہوں نے موجودہ مالی سال کے دوران مقررہ اہداف کے مطابق 50 ہزار نوجوانوں کو فائدہ مند روز گار سے منسلک کرنے کی بھی ہدایت دی ۔
