لکھنؤ:07مارچ: اترپردیش اسمبلی انتخابات میں ساتویں و آخری مرحلے کے تحت 9اضلاع کی54سیٹوں پر جاری ووٹنگ میں دوپہر ایک بجے تک 35.51فیصدی رائے دہندگان نے اپنی حق رائے دہی کا استعمال کیا ہے الیکشن کمیشن سے موصول اطلاع کے مطابق دوپہر ایک بجے تک سب سے زیادہ ضلع چندولی میں 38.43فیصدی رائے دہندگان نے اپنی حق رائے دیہی کا استعمال کیا ہے۔وہیں 33.62فیصدی ووٹنگ کے ساتھ وارانسی سب سے نچلے پائیدان پر ہے۔ دیگر اضلاع میں ضلع اعظم گڑھ میں 34.63فیصدی، بھدوہی میں 35.59فیصدی،غازی پور میں 33.71،جونپور میں 35.81فیصدی،مئو میں 37.08فیصدی،مرزاپور میں38.10فیصدی،سونبھدر میں35.87فیصدی رائے دہندگان نے اپنی حق رائے دہی کا استعمال کیا ہے۔ضلع چندولی سے موصول اطلاع کےمطابق مغل سرائے اسمبلی حلقے کے دلہی پور میں ای وی ایم میں فیوی کوک ڈال دینے کی وجہ سے ووٹنگ متاثر رہی۔ زونل مجسٹریٹ نے وہاں دوسری ای وی ایم لگواکر ووٹنگ کا آغاز کرایا۔ تقریبا ایک گھنٹے ووٹنگ متاثر رہی۔وہیں سماج وادی پارٹی نے ضلع اعظم گڑھ کے نظام آباد اسمبلی حلقے میں ای وی ایم خراب ہونے کی شکات سوشل میڈیا کے ذریعہ الیکشن کمیشن سے کری ہے۔الیکشن کمیشن کے مطابق چھٹے مرحلے کے تحت 57اسمبلی سیٹوں پر پرامن طریقے سے ووٹنگ جاری ہے کہیں سے بھی کسی قسم کے ناخشگوار واقعات کی کوئی اطلاع نہیں ہے۔پرامن و غیر جانبدارانہ انتخابات کے انعقاد کے لئے سیکورٹی کے سخت انتظامات کئے گئے ہیں۔ووٹروں میں ووٹنگ کے لئے کا جوش دیکھا جارہی ہے۔ کووڈ پروٹوکول کے تحت ووٹروں کو صرف ماسک پہن کر پولنگ اسٹیشن میں داخل ہونے کی اجازت تھی۔ اس کے علاوہ الیکشن کمیشن نے پولنگ اسٹیشن پر سینیٹائزر اور تھرمل اسکیننگ سمیت دیگر انتظامات بھی کیے گئے ہیں۔اس مرحلے میں 2.05کروڑ رائے دہندگان بشمول 1.09کرو ڑمرد،96.04لاکھ خواتین اور 1014تیسری جن کے ووٹر حق رائے دہی کے مجاز ہیں۔یہ لوگ 613امیدواروں کے قستم کا فیصلہ کریں گے۔انتخابی اصلاح پر نظر رکھنے والے تحقیقی ادارے اے ڈی آر کی رپورٹ کے مطابق اس مرحلے کے کل امیدواروں میں سے 170 کے خلاف مقدمے درج ہیں جن میں سے 131امیدواروں کے سنگین دفعات میں مقدمات عدالتوں میں زیر غور ہیں۔سال 2017کے انتخابات میں بی جےپی اور اس کی اتحادی پارٹیوں نے 54میں سے 36سیٹوں پر جیت درج کیا تھا جبکہ سماج وادی پارٹی کو 11اور بی ایس پی کو 6سیٹیں ملی تھیں۔(یواین آئی)
