انسانی وسائل کی ترقی آئی ایف ٹی ڈی او کا ہدف ہے: برلا

نئی دہلی:لوک سبھا اسپیکر اوم برلا نے جمعرات کو دہلی میں انڈین سوسائٹی فار ٹریننگ اینڈ ڈیولپمنٹ (آئی ایس ٹی ڈی) کے دہلی میں ’49ویں آئی ایف ٹی ڈی اوورلڈ کانفرنس اینڈاکزیبیشن‘ کاآغاز کرتے ہوئے کہا کہ یہ کانفرنس ملک کی ترقی میں اہم کرداراداکرے گی۔انٹرنیشنل فیڈریشن آف ٹریننگ اینڈ ڈویلپمنٹ آرگنائزیشن (آئی ایف ٹی ڈی او) کے زیر اہتمام 19 سے 21 مئی تک ہونے والے اس تین روزہ پروگرام میں ملک اور بیرون ملک سے بڑی تعداد میں لوگ شرکت کر رہے ہیں۔پروگرام کے مہمان خصوصی مسٹر برلا نے کہا، “ہم نئی ٹیکنالوجی اور مہارت کی مدد سے دنیا کے سامنے ایک نیامقام حاصل کررہے ہیں۔انہوں نے کہا، “آج سے پانچ دہائی قبل آئی ایف ٹی ڈی او کو اس ہدف کے ساتھ قائم کیا گیا تھا کہ انسانی وسائل کی ترقی کے لیے ہمیں ایک جامع بین الاقوامی منصوبہ بنانا چاہیے، تاکہ ہم اس تنظیم کے ذریعے شخصیت کی نشوونما کر سکیں اور پائیدار ترقی کے ساتھ ساتھ نئی مہارت، ٹیکنالوجی اورنئی تکنیک کا استعمال کرسکیں۔پیٹرولیم اور قدرتی گیس کے مرکزی وزیر ہردیپ سنگھ پوری نے آئی ایف ٹی ڈی اوکانفرنس ہندوستان میں منعقدکرانے پر آئی ایس ٹی ڈی کومبارک باد دیتے ہوئے کہا کہ اس سے پہلے بھی ان عالمی کانفرنس سے ہندوستان کو فائدہ ہوتارہا ہے اورانہیں امید ہے کہ یہ کانفرنس اس میں اضافہ کرے گی۔مسٹرپوری نے کہا، "اس طرح کی کانفرنسوں نے انسانی وسائل کے شعبے کی قیادت کرنے والوں کی آبیاری کی ہےاور ضروری خیالات کو جگہ دی ہے، جس سے ہندوستانی صنعت کو فائدہ پہنچاہے۔ مجھے امید ہے کہ اس سال کی کانفرنس بھی اس روایت کو جاری رکھے گی۔ کانفرنس چار موضوعات کے گرد گھومتی ہے – ہنر، مارکیٹس، ٹیکنالوجی اور پائیداری۔ یہ تنظیمی کارکردگی کے اہم پہلو ہیں، جو ملازمین کی پیداواری صلاحیت اور حوصلہ افزائی کو بڑھا کر تنظیم کی کارکردگی کو بہتر بنا سکتے ہیں۔