سرینگر:ملک کے کچھ حصوں کے ساتھ ساتھ جموں کشمیر میں بھی کووڈ کے کیسوں میں گزشتہ کچھ روز سے اضافہ کے بیچ ڈائریکٹر سکمز کا کہنا ہے کہ کووڈ کیسوں میںاضافہ سے لوگوں کو گھبرانے کی کوئی ضرورت نہیں ہے تاہم احتیاط لازمی ہے ۔ سی این آئی کے مطابق ملک بھر میں آئے روز کووڈ کیسوں میں اضافہ ریکارڈ کیا جار ہا ہے اور جموں کشمیر میں بھی گزشتہ کئی دنوں سے کیسوں کا ہندسہ 50سے پار درج کیا جا رہا ہے ۔ کووڈ کے کیسوں میں اضافہ کے بیچ ڈائریکٹر سکمز صورہ پروفیسر پرویز احمد کول نے لوگوں سے اپیل کی ہے کہ گھبرانے کی کوئی ضرورت نہیںہے تاہم کووڈ ایس او پیز پر عمل پیرا ہونا لازمی ہے ۔ انہوں نے کہا کہ وائرس کو مزید پھیلنے سے روکنے کیلئے احتیاط ضروری ہے۔ نے کہا کہ اگرچہ کووڈ کے کیسوں میںکچھ دنوں سے اضافہ درج ہوا ہے تاہم صورت حال تشویشناک نہیں ہے اور نہ ہی مثبت معاملات کی تعداد اتنی ہے جس سے گھبرانے کی ضرورت ہے تاہم لازمی یہ ہے کہ وبائی بیماری سے بچنے کیلئے کووڈ کیلئے واضح کر دہ ایس او پیز پر عمل پیرا ہونے کی ضرورت ہے ۔ڈائریکٹر سکمزنے لوگوں کو مشورہ دیا کہ وہ ملک کے مختلف حصوں سے کووڈ کیسوں کی بڑھتی ہوئی تعداد کی حالیہ رپورٹس کے پیش نظر احتیاط برتیں۔ انہوں نے مزید کہا’’بڑھتی ہوئی تعداد عام طور پر سانس کے وائرس کے پھیلاو ¿ کو روکنے کے لیے ماسک کا استعمال اور بار بار ہاتھ دھونے جیسے اقدامات کو اپنانے پر زور دیتی ہے۔
