سرینگر:جموں و کشمیر کے پونچھ ضلع میں لائن آف کنٹرول کے قریب غلطی سے ایک دستی بم پھٹ گیا۔اس حادثے میں ایک آرمی کیپٹن اور جونیئر کمیشنڈ آفیسر (جے سی او) کی موت ہو گئی۔فوج کے تعلقات عامہ کے افسر نے بتایا کہ یہ واقعہ اتوار کی رات اس وقت پیش آیا جب پونچھ ضلع کے مینڈھر علاقے میں فوج کے اہلکار تعینات تھے۔انہوں نے کہا کہ آرمی کیپٹن اور نائب صوبیدار (جے سی او) کو فوری طور پر ہیلی کاپٹر کے ذریعے علاج کے لیے ادھم پور لے جایا گیا، لیکن وہ وہاں علاج کے دوران دم توڑ گئے۔
مینڈھر سیکٹر سے دہشت گرد اکثر دراندازی کی تلاش میں رہتے ہیں۔اس کے پیش نظر فوج کے جوان ہمیشہ یہاں اضافی چوکسی رکھتے ہیں۔معلوم ہوا ہے کہ 6 جولائی کو پونچھ ضلع کے جھولا میں لائن آف کنٹرول کے ساتھ واقع بھیرہ علاقے میں ایک حادثہ پیش آیا تھا۔یہاں راکٹ لانچر مشق کے دوران حادثے میں دو فوجی اہلکار زخمی ہو گئے۔