کٹھوعہ میں دلدوز سڑک حادثہ، تین افراد از جان، ایک زخمی

مانیٹرنگ
جموں؍31؍دسمبر : جموں و کشمیر کے ضلع کٹھوعہ کے بانی علاقے میں ہفتے کی صبح ایک دلدوز سڑک حادثے میں تین افراد کی بر سر موقع ہی موت واقع ہوگئی جبکہ چوتھا زخمی ہوگیا۔ذرائع نے بتایا کہ کٹھوعہ میں بانی- بسولی روڈ پر ایک گاڑی زیر نمبر JK02BR – 5834 گہری کھائی میں جا گری جس کے نتیجے میں تین افراد کی بر سر موقع ہی موت واقع ہوگئی جبکہ ایک زخمی ہوگیا۔انہوں نے کہا کہ زخمی کو علاج و معالجے کے لئے ہسپتال منتقل کیا گیا۔متوفین کی شناخت اجے ساکن بلاور، موہن لال ساکن ڈوڈہ اور کاکو رام ساکن ڈوڈہ جبکہ زخمی کی شناخت راجیش کمار کے بطور ہوئی ہے۔دریں اثنا پولیس نے حادثے کی تصدیق کرتے ہوئے کہا کہ اس سلسلے میں ایک کیس درج کرکے کارروائیاں شروع کی گئی ہیں۔