سرینگر//جموں و کشمیر کے گاندربل ضلع میں حالیہ برفانی تودے گرنے سے دو مزدوروں کی موت کے بعد سری نگر لیہہ ہائی وے کے ساتھ اسٹریٹجک زوجیلا ٹنل میں کام روک دیا گیا ہے۔حکام نے بتایا کہ اپریل 2021 میں شروع ہونے والی 13 کلومیٹر لمبی زوجیلا ٹنل کی تعمیر کے بعد یہ پہلی بار ہوا ہے کہ سرنگ پر کام روک دیا گیا ہے ۔ سی این آئی کے مطابق سرینگر لہہ شاہراہ پر سٹریٹجک ٹینل پر حالیہ برفباری کے بعد کام روک دیا گیا ہے اور سال 2021کے بعد یہ پہلی مرتبہ ہے کہ اس ٹنل پر کام کو موسمی صورتحال کی وجہ سے روک دیا گیا ہو۔ ٹنل جو کشمیر میں سونمرگ کو پہاڑی خطہ لداخ کے مینا مرگ سے جوڑے گا ۔ میگھا انجینئرنگ اینڈ انفراسٹرکچر لمیٹڈ (MEIL) کے ذریعہ انجام دیا جارہا ہے۔ایم ای آئی ایل کے پروجیکٹ ہیڈ ہرپال سنگھ نے کہا کہ ٹنل پر کام 10 جنوری تک زوروں پر تھا۔سنگھ نے کہا کہ لیکن برفانی تودے گرنے اور ہمارے کارکنوں کی حفاظت کو مدنظر رکھتے ہوئے کشمیر کی طرف سے سرنگ پر کام روک دیا گیا ہے۔سرنگ کی تعمیر کا کام دینے کے بعد ہم نے کبھی کام نہیں روکا۔ یہ پہلا موقع ہے جب کام روکا گیا ہے اور ایک ماہ تک معطل رہ سکتا ہے۔سنگھ نے تاہم کہا کہ ٹنل کے مینا مرگ لداخ کی طرف کام ابھی بھی جاری ہے۔مینمرگ برفانی تودے کا شکار علاقہ نہیں ہے اور پچھلی رات یہاں کا درجہ حرارت منفی 30 ڈگری تھا اور یہاں تک کہ دن کا درجہ حرارت منفی 10 کے آس پاس ہے۔ لیکن سنگھ نے کہا کہ اس طرف کام جاری ہے۔حالیہ برفباری کے بعد 12 جنوری کو زیر تعمیر سرنگ کے قریب سربل گاؤں میں برفانی تودہ گرنے سے جموں و کشمیر کے کشتواڑ ضلع کے دو مزدور ہلاک ہو گئے۔دو دن بعد ایک اور برفانی تودہ اس علاقے سے ٹکرا گیا اور حکام کے مطابق برفانی تودے نے تقریباً 50,000 میٹرک کیوب برف کو منتقل کیا۔زوجیلا ٹنل اور 6.5 کلومیٹر زیڈ مورہ سرنگیں کشمیر اور لداخ کے درمیان سال بھر کے رابطے کو یقینی بنانے کے لیے ایک اسٹریٹجک پروجیکٹ کا حصہ ہیں جو سردیوں میں شدید برف باری کی وجہ سے بند رہتی ہے۔زوجیلا پراجیکٹ کو مکمل کرنے کی آخری تاریخ نومبر 2026 ہے لیکن اس بات کا امکان ہے کہ اسے اپنی آخری تاریخ سے پہلے مکمل کر لیا جائے۔ہر موسم کے رابطے سے فوج اور مقامی لوگوں کو کافی راحت ملے گی۔ ہندوستانی فوج مئی 2020 سے لداخ میں لائن آف ایکچوئل کنٹرول کے ساتھ دشمن چین کا سامنا کر رہی ہے۔
