مانیٹرنگ//
سرینگر:جموں کشمیر میں حالات پُر امن اور مکمل طو رپر قابو میں ہے کی بات کرتے ہوئے شمالی فوج کے کمانڈر لیفٹنٹ جنرل اپیندر دویدی نے کہا کہ لداخ میں لائن آف ایکچوئل کنٹرول (ایل اے سی) پر چین کے ساتھ جمود برقرار ہے اور مختلف سطحوں پر بات چیت جاری ہے۔انہوںنے مزید کہا کہ جموں کشمیر سے ملی ٹنسی کے مکمل خاتمہ کیلئے کوششیں جا ری ہے اور فوج و دیگر سیکورٹی فورسز نے ملی ٹنٹ مخالف آپریشنوں میں تیزی لائی ہے ۔ سی این آئی کے مطابق ادھم پور جموں میں ایک میگا ’’ویٹرنز سمپارک‘‘ سے خطاب کرتے ہوئے شمالی کمان کے جنرل آفیسر کمانڈنگ ان چیف لیفٹنٹ جنرل اوپیندر دیودی نے کہا کہ مشرقی لداخ میںحقیقی کنٹرول لائن پر چین کے ساتھ جمود برقرار ہے اور مختلف سطحوں پر بات چیت چل رہی ہے ۔ انہوں نے کہا کہ ہماری کیلئے تمام آپریشن کی تیاری کے اعلیٰ سطح پر ہیں۔ لیفٹنٹ جنرل دویدی نے پاکستان کے ساتھ لائن آف کنٹرول پر جنگ بندی کے تسلسل کے بارے میں بھی بات کی لیکن کہا کہ دراندازی کی کچھ کوششیں ہوئی ہیں جنہیں بھارتی فوج نے کامیابی سے ناکام بنا دیا ہے۔انہوں نے کہا کہ جموں کشمیر کی زمینی صورتحال بڑی حد تک قابو میں ہے جبکہ ملی ٹنسی مخالف آپریشنوںمیں بھی تیزی لائی گئی ہے تاکہ ملی ٹنسی کا مکمل طو ر پر خاتمہ ہو سکے ۔ انہوں نے کہا کہ میری کوشش ہے کہ اپنے سابق فوجیوں اور بہادر خواتین سے ہم نے کپواڑہ، سری نگر، پالم پور، لیہہ، اکھنور، راجوری اور دہرادون میں سابق فوجیوں اور ویر ناریوں سے ملاقات کی ہے اور مستقبل میں اننت ناگ، امرتسر، جوتوگ اور دارجلنگ میں ریلیاں منعقد کریں گے۔اگنیور اسکیم کا ذکر کرتے ہوئے انہوں نے کہا کہ نئی پالیسی کے تحت پہلے تحریری امتحان ہوگا اور صرف تحریری امتحان پاس کرنے والوں کو جسمانی اور طبی ٹیسٹ کے لیے بلایا جائے گا۔انہوں نے کہا کہ فوج اپنے سابق فوجیوں کو کیریئر کے متبادل اختیارات فراہم کرنے کیلئے پرعزم ہے ۔