نیوز ڈیسک//
سرینگر/جی آر بیگ میموریل ٹرسٹ کی جانب سے منشیات مخالف مہم شدومد سے جاری ہے ۔ جی آربیگ میمویل ٹرسٹ کے رضاکاروں نے گزشتہ دو دنوں میں جموں کشمیر کے ایک درجن سے بھی زیادہ مقامات پر منشیات مخالف جانکاری پروگرام منعقد کئے ۔ادھربدھ کے روز شوپیاں کے مختلف علاقوں میں جانکاری پروگرام منعقد کئے گئے جبکہ برلینٹ پبلک ماڈل سکول شوپیاں ملوڈانگر پورہ میں محدم یونس پرنسپل سکول نے سکول میں اس سلسلے میں پروگرام منعقد کیا اور طلبہ اور اساتذہ کو منشیات کے مضر اثرات سے آگاہ کرتے ہوئے اس بدعت سے دور رہنے کی تلقین کی گئی
۔ جبکہ راجوری کے تھنہ منڈی میں ڈسٹرکٹ پریذیڈنٹ جہانگیر خان کی قیادت میں مہم چلائی گئی اس دوران تھنہ منڈی میں شکور احدم ، عبدالغنی ، آفتاب احمد اور فردوس احمد ، محمد اقبال کی قیادت میں منشیات مخالف مہم چلائی گئی ۔ جی آر بیگ میموریل ٹرسٹ کے چیرمین اشتیاق بیگ نے کہا ہے کہ جموں کشمیر کے ہر ضلع اور ہر علاقے میں منشیات مخالف مہم چلائی جارہی ہے اور اس میں لوگوں کو اپنا بھر پور تعاون فراہم کرنا چاہئے ۔ انہوں نے ایک بار پھر ایمہ مساجد ،علمائے کرام ، دانشوران،قلم کاروں ،پولیس افسران، سیول انتظامیہ اورسماجی کارکنوں سے اپیل کی ہے کہ وہ اس مہم کو کامیاب بناکر جموں کشمیر سے منشیات کی لت کو جڑ سے ہی ختم کرنے کےلئے اس مہم کا حصہ بنیں ۔دریں اثناءجی آر بیگ میموریل ٹرسٹ کے چیرمین نے سرحدی کپوارہ کے لولاب علاقے میں 13اور 14مئی کو منشیات مخالف مہم گھر گھر چلانے کے حوالے سے ضلع بھر کے لوگوںسے اپیل کی ہے کہ وہ اس مہم میں بڑھ چڑھ کر شرکت کریں تاکہ سماج کو اس بدعت سے نجات دلانے میں عوامی بیداری پیدا ہو ۔اسی کے ساتھ 13اور 14مئی کو سرحدی ضلع کپوارہ کے لولاب سوگام علاقے میں ہی طبی کیمپ کا انعقاد بھی کیا جارہا ہے جس میں وادی کے بہترین معالجین حضرات اپنی خدمات انجام دیں گے جبکہ مریضوں میںمفت ادویات بھی فراہم کی جائیںگی ۔
