نیوز ڈیسک//
بارہمولہ ۔ 30؍ مئی: جموںو کشمیر کے لیفٹیننٹ گورنر جناب منوج سنہا نے بارہمولہ ضلع میں کئی اہم بنیادی ڈھانچے کے منصوبوں، کسانوں کے لیے سات کسٹم ہائرنگ سینٹرز اور سیلف ہیلپ گروپس کے لیے نو پولی گرین ہاؤسز کا افتتاح کیا۔ لیفٹیننٹ گورنر نے مختلف منصوبوں کا سنگ بنیاد بھی رکھا۔اس موقع پر، لیفٹیننٹ گورنر نے کہا کہ آج عوام کے لیے وقف کیے گئے پروجیکٹوں میں نہ صرف بارہمولہ ضلع بلکہ پورے جموں کشمیر میں تبدیلی لانے کی صلاحیت ہے۔ انہوں نے مزید کہا کہ ناربل تانگمرگ سڑک کی اپ گریڈیشن سے رابطے کو مزید تقویت ملے گی۔انہوں نے عوام، عوامی نمائندوں، ڈپٹی کمشنر اور پوری ضلع انتظامیہ کو ‘ایکسی لینس ان پبلک سروس ایڈمنسٹریشن ایوارڈ کے لیے مبارکباد پیش کی، جو کہ معزز وزیر اعظم جناب نریندر مودی کے ذریعہ بارہمولہ کو دیے گئے خواہش مند ضلع کے زمرے میں ہے۔یہ خواہش مند ضلع گزشتہ چند سالوں میں خود کو معاشی اہمیت کے مرکز میں تبدیل کر چکا ہے۔ انہوں نے کہا کہ بارہمولہ کے شہریوں نے جس معیار زندگی کا خواب دیکھا تھا وہ کافی حد تک پورا ہو رہا ہے۔بارہمولہ کے شیر مقبول شیروانی کو خراج عقیدت پیش کرتے ہوئے لیفٹیننٹ گورنر نے کہا کہ بارہمولہ کے نوجوان مختلف شعبوں میں نئے سنگ میل عبور کر رہے ہیں اور قوم کی تعمیر میں اہم کردار ادا کر رہے ہیں۔