سرینگر /14دسمبر//برفباری کے دوران کسی بھی ہنگامی صورتحال سے نمٹنے کیلئے سرینگر میونسپل کارپویشن پوری طرح سے تیار ہے کی بات کرتے ہوئے کمشنر ایس ایم سی اطہر عامر خان کا کہنا ہے کہ ہمارے پاس تقریباً 55 برف ہٹانے والی مشینیں ہیں۔ ہم نے پچھلے دو سالوں میں بنیادی ڈھانچے کو بڑھایا ہے اور 45 نئی خریدی ہیں ۔ سٹار نیوز نیٹ ورک کے مطابق میڈیا سے بات کرتے ہوئے سرینگر میونسپل کارپوریشن کے کمشنر اطہر عامر خان نے کہا کہ برفباری کی کسی بھی صورت حال سے نمٹنے کیلئے پوری طرح تیار ہیں اور یہ کہ اہلکار اور مشینری کسی بھی ہنگامی صورتحال سے نمٹنے کیلئے چوکس ہیں۔خان نے کہا کہ ایس ایم سی نے سرینگر ضلع کو چار زونوں میں تقسیم کیا ہے اور لوگوں کو تکلیف سے بچنے کیلئے زونل کنٹرول رومز قائم کئے گئے ہیں ۔ خان نے کہا کہ حکام اس موسم سرما کی صورتحال سے نمٹنے کیلئے پوری طرح تیار ہیں۔ انہوں نے کہا کہ کام کی تقسیم تیار کر لی گئی ہے اور برف صاف کرنے کے لیے درکار مشینری اسٹینڈ بائی پر ہے۔انہوں نے کہا ’’برف ہٹانے کے انتظامات تیار کر لیے گئے ہیں۔ شہر میں میونسپل سطح کا ایک کنٹرول روم بھی قائم کیا گیا ہے جس کی نگرانی جوائنٹ کمشنر ایس ایم سی سطح کے افسر کررہے ہیں۔ ‘‘ انہوں نے کہا کہ گزشتہ برسوں کے تجربے کو مدنظر رکھتے ہوئے حکام نے اس سال برف صاف کرنے کے لیے بہتر انتظامات کیے ہیں۔انہوں نے کہا ’’ہمارے پاس تقریباً 55 برف صاف کرنے والی مشینیں ہیں۔ ہم نے پچھلے دو سالوں میں بنیادی ڈھانچے کو بڑھایا ہے اور 45 نئی خریدی ہیں جہاں پرانی مشینوں کو دوبارہ بڑھایا گیا ہے۔ ‘‘ انہوں نے مزید کہا کہ جوانوں اور مشینری کی تعیناتی کا منصوبہ تیار کر لیا گیا ہے اور یہ کام ہنگامی حالات میں دو شفٹوں میں ہو گا۔انہوں نے مزید کہا کہ اس سال سنو بلی مشینیں استعمال کی جائیں گی، جو کہ ایک خاص قسم کی گاڑی ہے جس میں سڑکوں کو کسی بھی قسم کے نقصان سے بچنے کیلئے ایک خاص مواد کی تہہ ہوتی ہے۔انہوں نے لوگوں پر زور دیا کہ وہ برفباری کے دوران اپنی گاڑیاں گلیوں میں پارک کرنے سے گریز کریں۔ اگر آپ اپنی گاڑی برف کے دوران گلیوں میں کھڑی کرتے ہیں، تو یہ ہمیں لین صاف کرنے اور پیدل چلنے والوں کیلئے چلنے کے قابل سڑک بنانے میں مشکل وقت دیتا ہے۔ میں لوگوں سے اپیل کرتا ہوں کہ یہ ہماری مشترکہ ذمہ داری ہے کہ برف باری کے دوران گلیوں کو آمد رفت کیلئے کھلا رکھیں ۔
