نگران نیوز
سری نگر// بیجبہاڑہ اننت ناگ کے پادشاہی باغ علاقے میں دریائے جہلم میں پھسلنے کے بعد2 بھائی ڈوب گئے۔دو بھائیوں کی شناخت جبلی پورہ کے رہنے والے ماجد احمد ملک اور شاہد احمد ملک کے طور پر کی گئی ہے۔پولیس نے بتایا کہ دونوں نے دریا کے کنارے بھیڑوں کو نہاتے ہوئے توازن کھو دیا اور حادثاتی طور پر دریا میں گر گئے، جس کے بعد وہ لاپتہ ہو گئے۔اس المناک واقعے نے پورے علاقے میں سوگوار کر دیا ہے۔ ماجد احمد ملک کی صرف ایک ہفتہ قبل منگنی ہوئی تھی، جس نے علاقے کو سوگوار بنادیا ہے۔واقعے کے فوراً بعد، بجبہاڑہ پولیس ٹیم نے مقامی باشندوں کے ساتھ مل کر لاپتہ بھائیوں کا سراغ لگانے کے لیے بڑے پیمانے پر ریسکیو آپریشن شروع کیا۔دن بھر تلاش کے بعد دونوں بھائیوں کی لاشوں کو بر آمد کرلیا گیا ۔
