پی آئی بی
سری نگر// مرکزی وزیر داخلہ امت شاہ نے جمعرات کو کہا کہ مسلمانوں کو مذہب کی بنیاد پر ریزرویشن نہیں دیا جائے گا کیونکہ اس طرح کا کوٹہ غیر آئینی ہوگا۔40 منٹ کی بحث کے دوران، جس کے بعد لوک سبھا میں خواتین کے کوٹہ کے قانون میں ترمیم اور حد بندی کمیشن کے قیام کے لیے تین بل پیش کیے گئے، شاہ نے کہا کہ جاری مردم شماری کی مشق کے دوران آبادی کی گنتی کے ساتھ ذات پات کی مردم شماری بھی کی جائے گی۔امیت شاہ نے کہا”مذہب کی بنیاد پر مسلم خواتین کو ریزرویشن دینے کا سوال ہی پیدا نہیں ہوتا، ہمارا آئین مذہب کی بنیاد پر ریزرویشن دینے کی بالکل بھی اجازت نہیں دیتا، میں ہماری حکومت کے اس عزم کو واضح کرنا چاہتا ہوں کہ مسلمانوں کو مذہب کی بنیاد پر ریزرویشن نہیں دیا جائے گا، اس طرح کا ریزرویشن غیر آئینی ہے،” ۔وزیر داخلہ نے کہا کہ حکومت نے ذات پات کی مردم شماری کرانے کا فیصلہ پہلے ہی کر لیا ہے اور اسے آبادی کی گنتی کے ساتھ ہی انجام دیا جائے گا۔انہوں نے کہا، ابھی گھرانوں کی گنتی جاری ہے اور گھرانوں کی کوئی ذات نہیں ہوتی۔شاہ نے یہ بھی کہا کہ "اگر سماج وادی پارٹی اپنے تمام ٹکٹ مسلم خواتین کو دیتی ہے تو ہمیں کہاں کوئی اعتراض ہے”۔انہوں نے کہا کہ آبادی کی گنتی کے دوران، مردم شماری کے حکام ذات کی گنتی کے لیے ایک انتظام رکھیں گے، "جو میں ذاتی طور پر بھی چاہتا ہوں”۔وزیر داخلہ نے کہا، میں یہ واضح کرنا چاہتا ہوں کہ یہ مردم شماری ذات کی گنتی کے ساتھ کی جائے گی۔2027 کی مردم شماری کے تحت گھروں کی فہرست 1 اپریل کو شروع ہوئی ہے۔ وزیر اعظم نریندر مودی کی سربراہی میں سیاسی امور کی کابینہ کمیٹی نے گزشتہ سال 30 اپریل کو آنے والی مردم شماری میں ذات کی گنتی کو شامل کرنے کا فیصلہ کیا تھا۔ آزادی کے بعد سے مردم شماری کے تمام آپریشنز سے ذات کو خارج کر دیا گیا تھا۔لوک سبھا نے جمعرات کو آئین (131 ویں ترمیم)بل، 2026، مرکز کے زیر انتظام علاقوں کے قوانین(ترمیمی) بل، 2026، اور حد بندی بل، 2026 کو بحث اور منظوری کے لیے پیش کیا۔
