نگران مانٹیرنگ ڈیسک
سری نگر//تہران نے ہفتے کے روز کہا کہ اس نے آبنائے ہرمز کو ایک بار پھر بند کر دیا ہے ، کیونکہ امریکہ نے دونوں فریقوں کے درمیان طے پانے والے سمجھوتے کی خلاف ورزی کی ہے۔جمعہ کو ایران کی جانب سے تجارتی ٹریفک کے لیے آبی گزرگاہ کھولنے کے اعلان کے بعد کئی تجارتی جہازوں نے آبنائے ہرمز کو عبور کرنے کی کوشش کی۔ہفتے کو ایران نے کہا کہ امریکہ کی جانب سے ناکہ بندی ابھی جاری ہے لہٰذا ایران نے آبنائے ہرمز کو دوبارہ تب تک بند کرنے کا فیصلہ کیا ہے جب تک امریکہ ناکہ بندی ختم نہیں کرتا۔ لیکن امریکی صدر ڈونالڈ ٹرمپ نے کہا کہ ایران کیساتھ مکمل سمجھوتہ ہونے کے بعد ہی ناکہ بندی ختم کی جائیگی۔ادھر ایران کے پاسداران انقلاب کی جانب سے فائرنگ کے ایک واقعے کے بعد آبنائے ہرمز میں دو ہندوستانی جہازوں کے پلٹ جانے کے بعد ہندوستان نے ہفتے کے روز ایرانی سفیر محمد فتحلی کو طلب کیا۔ یہ بات میڈیا رپورٹوں میں بتائی گئی ہے۔انہوں نے کہا کہ اس واقعے پر سفیر کے پاس شدید احتجاج درج کرایا گیا۔فتالی کو وزارت خارجہ میں طلب کرنے کے بارے میں ابھی تک سرکاری طور پر کوئی باضابطہ بات نہیں کی گئی ہے۔
