پی آی بی
نئی دہلی//وزارتِ اقلیتی امور نے سفرحج کے لیے فضائی کرایہ میں تقریباً 10ہزار روپے کا اضافہ کردیا ہے.وزارت اقلیتی امور نےوضاحت کی ہے کہ عالمی حالات کی وجہ سے بڑھتی ہوئی لاگت کے باوجود حکومت نے بات چیت کے ذریعے کرایوں میں اضافے کو کم سے کم رکھنے کی بھرپور کوشش کی ہے۔ مرکزی وزیر برائے اقلیتی امور کرن رجیجو نےایکس پر کہا: "لاتعداد خاندانوں کے لیے حج زندگی میں ایک بار پورا ہونے والا وہ خواب ہے جسے انہوں نے برسوں تک اپنے سینے سے لگا کر رکھا ہے۔ میں اس جذبے کا تہہ دل سے احترام کرتا ہوں۔”انہوں نے مزید کہا کہ مسلسل جاری جغرافیائی سیاسی کشیدگی کی وجہ سے ہوائی جہاز کے ایندھن کی قیمتوں میں عالمی سطح پر بھاری اضافہ ہوا ہے۔ ایسی صورتحال میں ایئر لائنز نے ہر حاجی سے 300 سے 400 ڈالر کے بڑے اضافے کا مطالبہ کیا تھا۔ ایندھن کی قیمتوں میں اس اضافے کے لیے ایئر لائنز کو بھی قصوروار نہیں ٹھہرایا جا سکتا۔ تاہم، باہمی بات چیت اور مول تول کے ذریعے ہم نے یہ یقینی بنایا کہ یہ اضافہ صرف 100 ڈالر تک ہی محدود رہے۔
