نگران نیوز
سرینگر// حکومت نے ہفتہ کو جموں شہر میں پل گرنے کے واقعہ کی تحقیقات کا حکم دیا جس کے نتیجے میں تین مزدوروں کی موت ہو گئی۔نائب وزیر اعلیٰ سریندر سنگھ آدھی رات کو موقع پر پہنچے۔انہوں نے بتایا”میں نے اسسٹنٹ ایگزیکٹیو انجینئر اور جونیئر انجینئر کو معطل اور ایگزیکٹو انجینئر کو منسلک کرنے کے لئے انجینئر ان چیف کو ہدایات جاری کر دی ہیں” ۔چودھری نے واقعہ کی تحقیقات کا حکم دیتے ہوئے حکام کو ہدایت کی کہ وہ اسے پانچ دن میں مکمل کریں۔حکام نے بتایا کہ ان کے حکم کے بعد، اسسٹنٹ ایگزیکٹو انجینئر ساحل ورما اور جونیئر انجینئر سجاد میر کو معطل کر دیا گیا، ان کے طرز عمل کی انکوائری زیر التوا ہے۔انہوں نے کہا کہ حکومت نے ایک تین رکنی انکوائری کمیٹی بھی تشکیل دی ہے جس کی سربراہی پرشوتم کمار، سکریٹری ٹیکنیکل (انجینئر ان چیف)، پبلک ورکس محکمہ ہے۔انہوں نے بتایا کہ سپرنٹنڈنٹ انجینئر، پبلک ورکس سرکل جموں جنوبی، اریت گپتا اور ایگزیکٹو انجینئر، پبلک ورکس ستواری ڈویژن، راجن مینگی پینل کے ممبر ہیں۔
