نگران نیوز
سری نگر// جموں و کشمیر انتظامیہ نے لیفٹیننٹ گورنر منوج سنہا کی طرف سے شروع کی گئی 100 روزہ نشا مکت مہم کے پہلے 22 دنوں میں 481 ایف آئی آر درج کی ہیں اور 518 منشیات فروشوں کو گرفتار کیا ہے۔حکام نے بتایا کہ اس مدت کے دوران پیڈلرز کی 24 جائیدادیں، جنہیں "جرائم کی آمدنی” کہا جاتا ہے، ضبط اور مسمار کر دیے گئے ہیں۔ اہلکار نے بتایا کہ کروڑوں روپے کے اثاثے بھی ضبط کر لیے گئے ہیں۔اہلکار نے مزید کہا کہ مہم کے ایک حصے کے طور پر 300 سے زیادہ ڈرائیونگ لائسنسوں کو منسوخ کرنے کی سفارش کی گئی ہے۔ادھرسری نگر ضلع میں پولیس نے منشیات کی سمگلنگ کے خلاف جاری 100 روزہ نشہ مکت جموں و کشمیر ابھیان’ مہم کے ایک حصے کے طور پر منگل کے روز ایک بدنام زمانہ منشیات فروش کی تقریباً 1.20 کروڑ روپے کی غیر منقولہ جائیداد ضبط کر لی۔ یہ کارروائی پولیس سٹیشن نوہٹہ نے NDPS ایکٹ کی دفعہ 68-F کے تحت NDPS ایکٹ کی دفعہ 8/20 کے تحت درج ایف آئی آر نمبر 61/2019 کے سلسلے میں کی ہے۔منسلک اثاثوں میں مکمل طور پر تزئین و آرائش شدہ تین منزلہ رہائشی مکان، تین واش رومز کے ساتھ ایک علیحدہ سنگل منزلہ کنکریٹ کچن بلاک، اور نو مرلے کی زمین شامل ہے۔ یہ جائیداد نثار احمد شیخ ولد حبیب اللہ شیخ ساکن کنی دیور شیخ محلہ حول سرینگر کے نام پر رجسٹرڈ ہے۔پولیس نے کہا کہ تحقیقات سے پتہ چلا ہے کہ جائیداد غیر قانونی منشیات کی اسمگلنگ کے ذریعہ حاصل کی گئی تھی۔ ادھرمنشیات کی سمگلنگ کے خلاف اپنی تیز مہم کو جاری رکھتے ہوئے، اننت ناگ پولیس نے NDPS ایکٹ کی دفعات کے تحت تقریباً 85 لاکھ روپے کی غیر منقولہ جائیداد کو ضبط کیا۔این ڈی پی ایس ایکٹ کی دفعہ 68(ایف) کے تحت کارروائی کرتے ہوئے پولیس سٹیشن سری گفوارہ نے ایک منزلہ رہائشی مکان کو منسلک کیا جس کا تعلق امتیاز احمد گنائی ولد لسہ گنائی کے ساکن شالگام، سری گفوارہ کا ہے۔ جائیداد کی نشاندہی منشیات کی غیر قانونی سمگلنگ کے ذریعے حاصل کی گئی آمدنی کے طور پر کی گئی ہے۔ملزم این ڈی پی ایس ایکٹ کی متعلقہ دفعات کے تحت پولیس سٹیشن سری گفوارہ میں درج ایف آئی آر نمبر 72/2022 میں ملوث ہے۔ تفتیش کے دوران یہ بات سامنے آئی کہ مذکورہ جائیداد منشیات کے کاروبار سے حاصل ہونے والی غیر قانونی آمدنی سے خریدی گئی تھی۔قانونی طریقہ کار کے بعد، جائیداد کو اب NDPS ایکٹ کی دفعات کے مطابق باضابطہ طور پر منسلک کر دیا گیا ہے۔
