پی آئی بی
سری نگر // وزرت پیٹرولیم کے ریاستی کوآرڈینیٹر ہمانشو شرما نے کہا کہ جموں اور کشمیر کے مرکزی علاقے میں ایندھن کی سپلائی کی مجموعی پوزیشن مستحکم اور مناسب ہے۔ ایک بیان میں انہوں نے بتایا کہ ٹرمینلز، ڈیپو اور ریٹیل آئوٹ لیٹس سمیت پوری سپلائی چین بغیر کسی رکاوٹ کے موثر انداز میں کام کر رہی ہے۔ انہوں نے کہا کہ پبلک سیکٹر آئل مارکیٹنگ کمپنیوںنے مطلع کیا ہے کہ ضروری پٹرولیم مصنوعات بشمول پٹرول، ڈیزل اور لیکویفائیڈ پٹرولیم گیس (ایل پی جی)کی دستیابی جموں و کشمیر میں معمول کے مطابق اور بلاتعطل ہے۔ انہوں نے مزید کہا کہ ایندھن کے ذخائر کی مسلسل نگرانی کی جا رہی ہے اور تمام مقامات پر دوبارہ بھرنے کی سرگرمیاں آسانی سے جاری ہیں۔ شرما نے مزید کہا کہ گھریلو صارفین کے لیے ایل پی جی کی سپلائی کو ترجیح دی جا رہی ہے اور مرکز کے زیر انتظام علاقوں میں اسے معمول کے مطابق رکھا جا رہا ہے۔ تمام صارفین کو بلاتعطل ترسیل کو یقینی بنانے کے لیے ضروری اقدامات کیے جا رہے ہیں۔شہریوں سے اپیل کرتے ہوئے، شرما نے عوام کو مشورہ دیا کہ وہ عام استعمال کے پیٹرن کو جاری رکھیں اور ایندھن کی دستیابی سے متعلق درست اور تصدیق شدہ معلومات کے لیے سرکاری مواصلات پر انحصار کریں۔
