نگران نیوز
جموں // راجوری ضلع کے جنگلاتی علاقوں میں دہشت گرد مخالف مشترکہ آپریشن ہفتہ کو آٹھویں دن میں داخل ہو گیا۔ لیکن سیکورٹی فورسز کے ساتھ متعدد رابطوں اور فائرنگ کے تبادلے کے باوجود دہشت گردوں کا کوئی پتہ نہیں چل سکا ہے۔آپریشن شیرووالی ، منجاکوٹ سیکٹر میں گمبھیر مغلان اور ڈوری مل کے گھنے جنگلات میں جاری ہے، اس علاقے میں کے چھپے ہونے کی انٹیلی جنس معلومات کے بعد آپریشن شروع کیا گیا۔حکام نے بتایا کہ تلاشی مہم کو تیز کر دیا گیا ، ناہموار علاقوں میں پیرا کمانڈوز تعینات کیے گئے ہیں، فضائی نگرانی کرنے والے ہیلی کاپٹر اور گھنے جنگل کے احاطہ میں نقل و حرکت کا پتہ لگانے کے لیے سونگھنے والے کتوں کو خدمت میں لگایا گیا ہے۔حکام کے مطابق علاقے میں دو سے تین دہشت گردوں کے پھنسے ہونے کا خدشہ ہے۔ انہوں نے کہا کہ سیکورٹی فورسز نے محاصرہ سخت کر دیا ہے اور کسی بھی ممکنہ فرار کو روکنے کے لیے نگرانی میں اضافہ کر دیا ہے۔
