نگران نیوز
سری نگر //این آئی اے نے بارہمولہ میں ایک شخص کی جائیدادضبط کی۔این آئی اے کے بیان کے مطابق جموں و کشمیر میں جاری انسداد دہشت گردی آپریشن کے ایک حصے کے طور پر، ایجنسی نے بدھ کے روز پاکستان کی حمایت یافتہ دہشت گردی سازش کیس میں ایک اہم ملزم کی دو جائیدادیں ضبط کیں، جن کا تعلق ایچ ایم اور لشکرسے ہے۔ملزم شاہین احمد لون کو این آئی اے نے ایل او سی کے ذریعے پاکستان سے اسلحہ، گولہ بارود اور دھماکہ خیز مواد کی سمگلنگ میں ملوث پایا تھا۔ بیان کے مطابق وادی کشمیر میں دہشت گردی سرگرمیوں کو شروع کرنے کے لیے یہ ہتھیار اور دھماکہ خیز مواد کالعدم ایچ ایم اور لشکر طیبہ تنظیموں کو مزید فراہم کیا گیا تھا۔این آئی اے کی تحقیقات میں لون کا بھی پتہ چلا تھا، جس کے خلاف این آئی اے کی خصوصی عدالت جموں میں RC-01/2020/NIA/JMU، دہشت گردوں کو فنڈز حاصل کرنے اور منتقل کرنے میں فعال طور پر ملوث ہونے کے معاملے میں مقدمہ چل رہا ہے۔این آئی اے نے لون کو ستمبر 2020 میں گرفتار کیا تھا اور یو ا ے پی ایکٹ کی مختلف دفعات کے تحت مارچ 2021 میں اس پر چارج شیٹ داخل کی تھی۔این آئی اے کی خصوصی عدالت جموں کے حکم کے مطابق UA (P) ایکٹ کی دفعہ 33 (1) کے تحت کی گئی کارروائی کے ایک حصے کے طور پر آج جو دو جائیدادیں منسلک کی گئی ہیں، وہ جموں و کشمیر کے بارہمولہ ضلع کے کانس پورہ گائوں میں واقع ہیں۔ ان میں 7.5 مرلہ زمین پر بنایا گیا رہائشی مکان اور 6 مرلہ زمین کا ایک ٹکڑا شامل ہے، جس پر ایک شیڈ بنایا گیا تھا۔تفتیشی ریکارڈ کے مطابق، یہ معاملہ 11 جنوری 2020 کو کولگام میں میر بازار کے قریب ال اسٹاپ ناکہ پر ایک ہنڈائی i20 گاڑی کو روکنے سے متعلق ہے۔ آپریشن کے دوران گاڑی سے مبینہ طور پر اسلحہ، گولہ بارود اور دیگر مجرمانہ مواد برآمد کیا گیا تھا۔ بعد ازاں وزارت داخلہ نے تحقیقات کو این آئی اے کو منتقل کر دیا جس نے 17 جنوری 2020 کو اس کیس کو باضابطہ طور پر سنبھال لیا۔
