نگران نیوز
سری نگر// بڈگام ضلع کے چاڈورہ علاقے میں جمعہ کو موٹر سائیکل سڑک سے پھسل کر بجلی کے کھمبے سے ٹکرا جانے کے بعد ایک نوجوان کی موت ہو گئی۔ سوار اپنی موٹرسائیکل پر کنٹرول کھونے کے بعد شدید زخمی ہوا، جو سڑک سے پھسل کر چاڈورہ کے مقام پر بجلی کے کھمبے سے ٹکرا گیا۔اسے فوری طور پر سب ڈسٹرکٹ ہسپتال چاڈورہ منتقل کیا گیا جہاں ڈاکٹروں نے اسے مردہ قرار دے دیا۔متوفی کی شناخت آصف ہلال راتھر ولد محمد ہلال راتھر ساکن کرالپورہ، چاڈورہ کے نام سے ہوئی ہے۔ادھر کشتواڑ میں ٹپر کھائی میں گرنے سے باپ بیٹا ہلاک اور مزید دو زخمی ہوئے۔سری نگر: ضلع کشتواڑ میں سوہل روڈ پر گلاب گڑھ کے قریب جمعہ کو ایک ٹپر گہری کھائی میں گرنے سے باپ اور اس کا بیٹا ہلاک جبکہ دو دیگر زخمی ہوگئے۔مرنے والوں کی شناخت 55 سالہ انورودھ سنگھ ولد نند لال اور اس کے بیٹے دیپک کمار (30) کے طور پر کی گئی ہے۔زخمیوں کی شناخت سپوت سنگھ (35) ولد دھنتر سنگھ اور رویندر سنگھ (35) ولد گردھاری لال کے طور پر ہوئی ہے۔ دونوں کو جائے حادثہ سے بچا لیا گیا اور علاج کے لیے قریبی اسپتال منتقل کر دیا گیا۔ادھرسری نگر کے مضافات میں جمعہ کو ہارون کے تھید علاقے میں داچھی گام نالہ میں نہاتے ہوئے دو لڑکے ڈوب گئے۔حکام نے بتایاکہ ان لڑکوں کو پولیس اہلکاروں اور مقامی باشندوں نے ندی سے بچایا جو واقعہ کے بعد موقع پر پہنچ گئے۔ان لڑکوں میں سے ایک، جو مبینہ طور پر سری نگر سے تعلق رکھنے والا گیارہویں جماعت کا طالب علم ہے، کو تشویشناک حالت میں ہسپتال منتقل کیا گیا۔حکام نے بتایا کہ پولیس اور مقامی لوگوں کے فوری ردعمل نے ایک بڑا سانحہ ٹلنے میں مدد کی۔
