نگران نیوز
سری نگر//سرینگر میں قائم علاقائی موسمیاتی مرکز نے جموں و کشمیر کیلئے موسم کی تازہ ترین صورتحال اور ایک تفصیلی ایڈوائزری جاری کی ہے، جس میں آنے والے دنوں کے دوران مختلف علاقوں میں ہلکی سے بھاری بارشوں کی پیشگوئی کی گئی ہے۔ موسم کی اس بدلتی صورتحال کے پیش نظر عوام کو خاص طور پر محتاط رہنے کی تاکید کی گئی ہے۔ موسمیاتی مرکز سری نگرنے منگل کو جاری اپنی تازہ موسم کاری میںبتایاکہ 8 جولائی کو ایک یا دو مقامات پر ہلکی سے درمیانی درجے کی بارش یا گرج چمک کے ساتھ تیز بارش پڑنے کی توقع ہے۔ جموں ڈویڑن میں دیر رات یا صبح سویرے کے اوقات میں چند مقامات پر تیز اور موسلادھار بارش ہو سکتی ہے، جبکہ کچھ علاقوں میں دوپہر کے بعد بھی ہلکی بارش کا امکان ہے۔ اسی طرح، کشمیر ڈویڑن کے کئی اضلاع میں دوپہر کے بعد اور صبح سویرے تیز رفتار بارشوں کے مختصر سلسلے دیکھنے کو مل سکتے ہیں۔علاقائی موسمیاتی مرکز کا کہنا ہے کہ9 اور10 جولائی کو بھی کئی مقامات پر ہلکی سے درمیانی بارش اور گرج چمک کا سلسلہ جاری رہے گا۔ اس کے بعد، 11 اور 12 جولائی کو بھی موسم کا یہی حال رہے گاحکومتی ایڈوائزری: ندی نالوں اور لینڈ سلائیڈنگ والے علاقوں سے دور رہیںموسم کے اس تغیر و تبدل کے پیش نظر ایک خصوصی ایڈوائزری جاری کی گئی ہے۔
