نگران نیوز
سری نگر/ / شوپیان ضلع میں سکیورٹی فورسز نے پیر کے روز ایک مشتبہ ٹھکانے کا سراغ لگا کر بڑی مقدار میں اسلحہ اور گولہ بارود برآمد کرنے کا دعویٰ کیا ہے۔حکام کے مطابق نائیک پورہ میمندَر علاقے میں مخصوص خفیہ اطلاع کی بنیاد پر جموں و کشمیر پولیس، 44 راشٹریہ رائفلز اور سینٹرل ریزرو پولیس فورس نے مشترکہ طور پر تلاشی کارروائی شروع کی۔تلاشی کے دوران ایک باغ میں مشتبہ ٹھکانے کا پتہ لگایا گیا، جہاں سے ایک اے کے 47 رائفل، اے کے 47 کی دو میگزین اور 7.62 ایم ایم کے 60 کارتوس برآمد کیے گئے۔پولیس اور سکیورٹی فورسز نے برآمد شدہ اسلحہ کو تحویل میں لے کر معاملے کی مزید تحقیقات شروع کردی ہیں۔ حکام کے مطابق تحقیقات کے دوران اس بات کا پتہ لگانے کی کوشش کی جائے گی کہ یہ اسلحہ کہاں سے پہنچا اور اسے کس مقصد کے لیے استعمال کیا جانا تھا۔
