نگران نیوز
نئی دہلی//وزیر اعلیٰ عمر عبداللہ نے جمعہ کی شام نئی دہلی میں مرکزی وزیر داخلہ امت شاہ سے ملاقات کی اور جموں و کشمیر سے متعلق کئی اہم مسائل پر تبادلہ خیال کیا۔میٹنگ میں ریاست کی بحالی، بزنس رولز کے قواعد کو حتمی شکل دینے، تحفظات کو معقول بنانے اور عوامی بہبود اور ترقی سے متعلق دیگر اہم امور پر توجہ مرکوز کی گئی۔وزیر اعلیٰ نے مرکزی وزیر داخلہ کو جموں و کشمیر کے پہلے بین الاقوامی فلم فیسٹیول (IFFJK) کے بارے میں بھی آگاہ کیا، جو سری نگر میں 7 ستمبر سے شروع ہونے والا ہے۔عمر عبداللہ نے کئی علاقوں میں سیلاب سے ہونے والے نقصانات کے پیش نظر جموں و کشمیر کو بروقت مدد فراہم کرنے کے لیے مرکزی وزیر داخلہ کا شکریہ ادا کیا۔یہ بات قابل ذکر ہے کہ وزیر اعلیٰ عمر عبداللہ اس وقت وادی سے باہر ہیں اور توقع ہے کہ وہ پیر کو واپس آئیں گے۔یاد رہے کہ پچھلے ہفتے لیفٹیننٹ گورنر منوج سنہا نے وزیر اعظم نریندر مودی کیساتھ ایک میٹنگ کی ہے اور انہیں نشہ مکت ابھیان کے حوالے سے انہیں کافی بورڈ پیش کیا۔
