نگران نیوز
اودھم پور//ڈائریکٹر جنرل آف پولیس (ڈی جی پی)نلین پربھات نے انسپکٹر جنرل آف پولیس (آئی جی پی)جموں زون تیجندر سنگھ کے ہمراہ اودھم پور کا دورہ کیا اور اودھم پور-کٹھوعہ خطے میں جاری انسدادِ دہشت گردی آپریشنز کا جائزہ لیا۔دورے کے دوران، ڈی جی پی نے آپریشنل صورتحال کا جائزہ لیا اور علاقے میں سکیورٹی فورسز کی جانب سے کیے جانے والے آپریشنز کی پیش رفت کا مشاہدہ کیا۔ افسران نے موجودہ سکیورٹی صورتحال کے پیش نظر سکیورٹی انتظامات اور آپریشنل تیاریوں کا بھی جائزہ لیا۔ڈی جی پی نلین پربھات نے آپریشنز میں شامل بہادر اہلکاروں کی حوصلہ افزائی کی اور ان کی ہمت، عزم اور پیشہ ورانہ طرزِ عمل کو سراہا۔اہلکاروں کو ‘آپریشن سون’ (کے دوران ‘جیشِ محمد’ کے دو پاکستانی دہشت گردوں کو ہلاک کرنے کے کامیاب آپریشن میں ان کے اہم کردار پر سراہا گیا۔ڈی جی پی نے سکیورٹی فورسز کی مربوط کوششوں کی تعریف کی اور مسلسل چوکسی، آپریشنل تیاری اور انسدادِ دہشت گردی آپریشنز میں مصروف تمام ایجنسیوں کے درمیان قریبی باہمی رابطے کی اہمیت پر زور دیا۔آئی جی جموں زون تیجندر سنگھ بھی دورے کے دوران ڈی جی پی کے ہمراہ تھے اور انہوں نے اودھم پور-کٹھوعہ بیلٹ میں آپریشنل پہلوں اور سکیورٹی اقدامات کا جائزہ لیا۔یہ دورہ جموں خطے میں جاری ان سکیورٹی آپریشنز کے تناظر میں کیا گیا ہے جن کا مقصد دہشت گرد نیٹ ورکس کا سراغ لگانا اور انہیں ختم کرنا، نیز علاقے میں امن و امان کو خراب کرنے کی کوششوں کو روکنا ہے۔
