نگران نیوز
سری نگر// چیف سیکریٹری اٹل ڈلو نے ہفتے کے روز ‘سوچھ بھارت مشن-اربن (SBM-U) 2.0 اورامرت (AMRUT) 2.0 کے تحت جاری منصوبوں کی تکمیل میں تیزی لانے پر زور دیا۔ انہوں نے جموں و کشمیر بھر میں صفائی ستھرائی، ویسٹ مینجمنٹ(فضلہ تلفی کے نظام)اور شہری بنیادی ڈھانچے میں نمایاں بہتری لانے کی ضرورت پر بھی زور دیا۔ڈلو نے مرکزی معاونت والی ان دو اسکیموں کی پیش رفت کا جائزہ لینے کے لیے ایک اجلاس کی صدارت کی، جس میں ہاسنگ اینڈ اربن ڈیولپمنٹ ڈیپارٹمنٹ (H&UDD)، جموں اور سری نگر میونسپل کارپوریشنز اور دیگر متعلقہ محکموں کے اعلی افسران نے شرکت کی۔چیف سیکریٹری نے کہا کہ سووچھ بھارت مشن کا دائرہ کار صرف صفائی ستھرائی کا بنیادی ڈھانچہ تعمیر کرنے تک محدود نہیں رہنا چاہیے، بلکہ اس کے نتیجے میں شہری صفائی، عوامی صحت اور معیارِ زندگی میں پائیدار بہتری آنی چاہیے۔انہوں نے کہا کہ سیاحت کے امکانات اور ماحولیاتی اعتبار سے حساس ماحول کے پیشِ نظر جموں و کشمیر میں صفائی ستھرائی انتہائی اہمیت کی حامل ہے۔ انہوں نے اس بات پر زور دیا کہ مشن کے تحت قائم کیے گئے بنیادی ڈھانچے سے ٹھوس فوائد کے حصول کو یقینی بنانے کے لیے عوامی شرکت میں اضافہ اور رویوں میں تبدیلی لائی جائے۔H&UDD کی کمشنر سیکریٹری مندیپ کور نے اجلاس کو SBM-U 2.0 اور AMRUT 2.0 کی پیش رفت کے بارے میں بریفنگ دی، جس میں ویسٹ پروسیسنگ، پرانے کچرا گھروں (ڈمپ سائٹس) کی بحالی، پانی کی فراہمی، گندے پانی کی صفائی (ٹریٹمنٹ) اور ٹیکنالوجی پر مبنی شہری منصوبہ بندی جیسے امور شامل تھے۔جموں میونسپل کارپوریشن کے کمشنر اور SBM (اربن) و AMRUT کے منیجنگ ڈائریکٹر دیوانش یادو نے بتایا کہ SBM-U 2.0 کے دوسرے مرحلے (Phase-II) کے تحت مختص 692.12 کروڑ روپے میں سے 96.97 کروڑ روپے خرچ کیے جا چکے ہیں،
حکام نے بتایا کہ مہدی کدل اور پہلگام کے سیوریج ٹریٹمنٹ پلانٹس سے صاف کیے گئے پانی کو پھولوں کی کاشت والے کھیتوں کی آبپاشی کے لیے دوبارہ استعمال کیا جا رہا ہے۔امرت 2.0 (AMRUT 2.0) کے تحت، جموں و کشمیر نے 867 کروڑ روپے کی مرکزی امداد حاصل کی ہے، جس کے عوض 852.90 کروڑ روپے مالیت کے کام تفویض کیے گئے ہیں۔ اس مشن کے تحت آبی ذخائر کی بحالی کے تمام 22 منظور شدہ منصوبے مکمل ہو چکے ہیں، جبکہ پانی کی فراہمی کی 65 منظور شدہ اسکیموں میں سے سات بھی مکمل کر لی گئی ہیں۔ پانی کی فراہمی کے مزید 30 منصوبوں کو دسمبر 2026 تک اور 18 مارچ 2027 تک مکمل کرنے کا ہدف ہے۔جل ہی امرت پہل کے تحت، سیوریج ٹریٹمنٹ پلانٹ کے 14 منصوبوں میں سے پانچ مکمل ہو چکے ہیں جن کے لیے 10.50 کروڑ روپے کی ترغیب کی منظوری دی گئی تھی۔ پلانٹس کو سسٹمز سے لیس کیا جا رہا ہے جس میں SCADA اور آن لائن کنٹینیوئس ایفلوئنٹ مانیٹرنگ سسٹم شامل ہیں۔
