واجپائی پرجوش، سمجھدار اور خوش مزاج انسان تھے

سری نگر:سابق وزیر اعظم اٹل بہاری واجپائی کو اُن کی تیسری برسی پر خراج عقیدت پیش کیا گیا۔سوموارکے روز سابق وزیر اعظم واجپائی کی یاد میں اٹل سمادھی نئی دہلی میں پروگرام منعقد ہوئے،جن میں صدر رام ناتھ کووند، نائب صدر وینکیا نائیڈو، وزیر اعظم نریندر مودی، وزیر داخلہ امیت شاہ، بی جے پی صدر جے پی نڈا سمیت کئی لیڈروں نے شرکت کی ۔کے این ایس کے مطابق وزیر اعظم نریندر مودی نے پیر کے روز سابق وزیر اعظم اور بھارتیہ جنتا پارٹی کے آنجہانی لیڈر اٹل بہاری واجپائی کو ان کی سمادھی پر جاکر خراج عقیدت پیش کیا۔نریندر مودی نے پیر کو ایک فعال پیغام میں کہا کہ ہم ان کی پرجوش شخصیت کو یاد کرتے ہیں، ہم ان کی محبت اور شخصیت کویاد کرتے ہیں، ہم ان کی سمجھداری اور خوش مزاجی کو یاد کرتے ہیں اور ہم قوم کی ترقی میں ان کے تعاون کو یاد کرتے ہیں۔ایک دیگر ٹویٹ میں انہوں نے کہاکہ اٹل جی ملک کے شہریوں کے دل و دماغ میں رہتے ہیں۔ آج ان کی برسی پر سدیو اٹل جاکر انہیں خراج عقیدت پیش کیا۔جموں وکشمیر کے لیفٹنٹ گورنر منوج سنہا نے سابق وزیراعظم واجپائی کواُنکی تیسری برسی کے موقعہ پرخراج عقیدت پیش کرتے ہوئے کہاکہ عوامی زندگی اورقوم کی ترقی میں ترقی کیلئے واجپائی جی کوہمیشہ یادرکھاجائیگا۔ایل جی نے اپنے ٹویٹ میں لکھا’واجپائی جی کواُنکی تیسری برسی پرخراج عقیدت،عوامی زندگی اورقوم کی ترقی میں اُن کے رول کوہمیشہ یاد رکھاجاجائیگا‘۔منوج سنہا نے مزید لکھاکہ واجپائی جی کے خیالات اورنظریات وبصارت آنے والے دنوںمیں نئی نسلوں کومتاثر کرتے رہیں گے۔یادرہیکہ سابق وزیر اعظم واجپائی کا 16 اگست2018 کو دہلی کے ایمز ہسپتال میں انتقال ہوگیا تھا، انہیں 2015 میں بھارت کے اعلیٰ ترین شہری اعزاز بھارت رتن سے نوازا گیا تھا۔ اٹل بہاری واجپائی وہ واحد رہنما تھے جو جواہر لال نہرئو کے بعد تین بار وزیر اعظم کے عہدے پر فائز رہے