سرینگر:جنگ بندی معاہدے پر عملدر آمد کے بیچ سرحدوں پر دراندازی کی کوششوں کے پیش نظر جموںکشمیر پولیس سربراہ نے انٹیلی جنس گرڈ کو مضبوط بنانے کی ہدایت دی ہے ۔ سی این آئی کے مطابق جموں کشمیر پولیس سربراہ دلباغ سنگھ بدھ کوپولیس ہیڈ کوارٹر جموں میں ایک اعلیٰ سطحی میٹنگ کی صدارت کی جس میں جموں زون کی سیکورٹی صورتحال جائزہ لیا۔ اجلاس میں اے ڈی جی پی جموں ش مکیش سنگھ ، ڈی آئی جی جے ایس کے اتول گوئل ، ایس ایس پی جموں ش چندن کوہلی ، اے آئی جی ٹیک ش راہول ملک ، ایس ایس پی پی سی آر ش حسیب مغل اور دیگر افسران نے شرکت کی۔ .ڈی جی پی نے افسران کی دیگر افواج اور ایجنسیوں کے مشترکہ طور پر سیکورٹی چیلنجز کا کامیابی سے مقابلہ کرنے کی تعریف کی۔ ڈی جی پی نے افسران کے ساتھ بات چیت کرتے ہوئے انٹیلی جنس اور سیکورٹی گرڈ کو مزید بڑھانے پر زور دیا تاکہ سرحد پار سے دراندازی کی جاری کوششوں اور ملک دشمن عناصر کی طرف سے ڈرون کی سرگرمیوں میں اضافے کے پیش نظر امن کے دشمن عناصر کو کوئی گنجائش نہ دی جائے۔ انہوں نے کہا کہ جموں و کشمیر پولیس دیگر سیکورٹی ایجنسیوں کے ساتھ مل کر لوگوں کی حفاظت اور امن کے استحکام کیلئے سخت محنت کر رہی ہے اور مزید کہا کہ جو لوگ جموں و کشمیر کے پرامن ماحول کو نقصان پہنچانا چاہتے ہیں انہیں بخشا نہیں جائے گا۔ ڈی جی پی نے سیکورٹی گرڈز کو مضبوط بنانے میں ٹیکنالوجی کے استعمال کو دہرایا اور سرحدی گرڈ کو مضبوط بنانے میں لوگوں کے تعاون کے حصول پر زور دیا۔ انہوں نے کہا کہ پاکستانی حمایت یافتہ عسکریت پسنداور ان کے ساتھی مسلسل جموں و کشمیر میں امن خراب کرنے کوشش کر رہے ہیں اور مزید کہا کہ ایسی کسی بھی کوشش کو ناکام بنا دیا جائے گا۔ ڈی جی پی نے مزید کہا کہ جنگ بندی کے باوجود دراندازی کی کوششیں کی جا رہی ہیںجو کو ناکام بنانے کیلئے متحرک رہنے کی ضرورت ہے ۔
