جموں کشمیر میں ملی ٹینسی پر قابو پالیا گیا: ترون چگھ

سری نگر:بھارتیہ جنتا پارٹی (بی جے پی )کے قومی جنرل سکریٹری ترون چگھ نے ہا جموں و کشمیر میں ملٹنسی کو گہرا چوٹ لگنے کے بعد قابو کر لیا گیا ہے ۔ انہوں نے کہا جموںو کشمیر بی جے پی ہر ضلعے اور علاقے میں میں تعمیر و ترقی کے کام کرنے میں مصروف عمل ہے ۔کشمیر نیوز سروس ( کے این ایس ) کے مطابق انہوں نے کہا جموں و کشمیر میں میں نہ صرف ملی ٹنسی پر قابو پایا گیا ہے بلکہ ملی ٹنٹوں کو بھی گہری چوٹ پہنچائی گئی ہے۔اور یہی وجہ ہے کہ جموں و کشمیر ویکسینیشن میں پورے ملک میں پہلے نمبر پر ہے۔موصوف جنرل سکریٹری نے ان باتوں کا اظہار ہفتے کے روز یہاں جن سنگھ نظریہ ساز پنڈت دین دیال اوپادھیائے کی 105 ویں سالگرہ کے موقع پر منعقدہ ایک تقریب کے حاشئے پر نامہ نگاروں کے ساتھ بات کرنے کے دوران کیا۔انہوں نے کہا کہ ملک میں ہماری سرکار اچھی طرح سے چل رہی ہے اور عوام کی فلاح و بہبودی کے لئے کام کئے جا رہے ہیں۔مسٹر چگھ نے کہا کہ کشمیر ہو یا جموں، کٹھوعہ ہو یا کشتواڑ، پونچھ راجوری ہو یا کشتواڑ کے دور دراز علاقے ہر جگہ کام ہو رہے ہیں۔انہوں نے کہا’یہاں سیکورٹی صورتحال بھی بہتر ہے، ملی ٹنسی کو کنٹرول کیا گیا ہے اور ملی ٹنٹوں کو بھی چوٹ پہنچائی گئی ہے‘۔