بونیاراوڑی:فوج کی پندرہویں کورکے سربراہ لیفٹنٹ جنرل ڈی پی پانڈے نے سوموارکے روز کہاکہ لوگوں کو لائن آف کنٹرول پر تھوڑی سی’شرارت‘ کے بارے میں فکرمندہونے کی ضرورت نہیں ہے۔لیفٹنٹ جنرل ڈی پی پانڈے نے کہاکہ فوج لائن آف کنٹرول اوراندرونی علاقوں میںکسی بھی صورتحال سے نمٹنے کیلئے تیار ہے۔ انہوںنے کہاکہ کشمیرکے لوگ علیحدگی پسندوں کے کھیل کو سمجھ چکے ہیں ، اوراسی لے اب پوری وادی میں پرامن صورتحال پائی جاتی ہے ، سیاحوں کی آمد بڑھ رہی ہے۔جے کے این ایس کے مطابق شمالی ضلع بارہمولہ کے بونیاراُوڑی میں ایک تقریب کے موقع پر نامہ نگاروں سے گفتگو کرتے ہوئے فوج کی 15ویں کور کے جنرل آفیسر کمانڈنگ لیفٹنٹ جنرل ڈی پی پانڈے نے کہا کہ کنٹرول لائن پر تھوڑی سی شرارتیں ہوتی رہیں گی اور فوج اس سے نمٹنے کیلئے پوری طرح تیار ہے۔ جی او سی پانڈے نے کہا کہ کشمیری عوام کو لائن آف کنٹرول پر حالات کی فکر کرنے کی ضرورت نہیں ہے۔انہوں نے کہا کہ کنٹرول لائن پر تھوڑی سی شرارت ہوگی لیکن فوج اس سے نمٹنے کے لئے اچھی طرح تیار ہے۔فوج کی پندرہویں کورکے سربراہ نے کہا کہ فوج الرٹ اور حدمتارکہ کے ساتھ یا اندرونی علاقوں میں کسی بھی صورتحال سے نمٹنے کیلئے تیار ہے۔ لیفٹنٹ جنرل ڈی پی پانڈے نے کہا کہ کشمیر کے لوگ ’علیحدگی پسندوں کے کھیل‘کو سمجھ چکے ہیں اوراب پورے خطے میں پرامن ماحول غالب ہے،سیاحوں کی آمد بڑھ رہی ہے اور ہوٹلوں میں بکنگ بھی اچھی ہے۔ پورے علاقے میں صورتحال کافی پرامن ہے۔اس دوران معلوم ہواکہ فوج کی پندرہویں کورکے سربراہ لیفٹنٹ جنرل ڈی پی پانڈے نے دورے کے دوران اوڑی اوررام پورسیکٹرمیں سرحدی صورتحال کاجائزہ لیا۔انہوںنے فوج کے اعلیٰ افسروں سے دراندازی کی کوششوں کوناکام بنانے کیلئے اُٹھائے گئے اقدامات کے بارے میں بھی جانکاری حاصل کی ۔فوج کے اعلیٰ افسروںنے لیفٹنٹ جنرل پانڈے کوبتایاکہ اوڑی میں لائن آف کنٹرول پرسخت چوکسی برتی جارہی ہے اوریہ اسی چوکسی کانتیجہ ہے کہ حال ہی سرحدپار سے درانداز ی کرکے اسپارداخل ہوئے جنگجوئوں کیخلاف ایک کامیاب آپریشن عمل میں لاکر تین دراندازوں کوہلاک کیاگیا۔لیفٹنٹ جنرل ڈی پی پانڈے نے فوجی حکام کو ہدایت دی کہ لائن آف کنٹرول پررات دن کڑی نظر گزررکھی جائے اورسرحدپار سے ہونے والی ہرنقل وحرکت پرکڑی نگاہ رکھی جائے تاکہ سرحدپار کی امن مخالف سازشوں ،منصوبوں اوردراندازی کی کوششوں کوبروقت ناکام بنایاجاسکے ۔
