سری نگر ، 02 جولائی(نگران ڈیسک ): جمعہ کے روز جنوبی کشمیر کے ضلع پلوامہ کے راج پورہ علاقے میں جاری جھڑپ کے دوران لشکر طیبہ کے تین جنگجوؤں کو جاں بحق کیا گیا۔ سرکاری ذرائع نے بتایا کہ جاری انکاؤنٹر میں مزید دو عسکریت پسند ہلاک ہوگئے ہیں جس کے بعد مارے گئے جنگجوؤں کی تعداد 3 تک جاپہنچی۔ ذرائع کے بقول آپریشن کے دوران مارے گئے عسکریت پسندوں کی شناخت کے بارے میں ابھی تک معلومات نہیں ہوسکی ہیں۔ انہوں نے بتایا کہ اس سے قبل فائرنگ کے تبادلے میں 44 آر آر کا ایک فوجی جوان بھی مارا گیا۔ واضح رہے پولیس اور فوج کی 44 آر آر کی مشترکہ ٹیم نے علاقے میں کارڈن اینڈ سرچ آپریشن شروع کیا ہے۔ جب مشترکہ ٹیم مشتبہ مقام کے قریب پہنچی تو وہاں چھپے ہوئے عسکریت پسندوں نے فورسز پر فائرنگ شرورع کردی جس کیساتھ ہی علاقہ میں فائرنگ کا تبادلہ شروع ہوا۔
